بٷگٸن پرەزيدەنت قاسىم-جومارت توقاەۆ رەسپۋبليكا كٷنٸنە ارنالعان سالتاناتتى جيىندا سٶز سٶيلەدٸ, دەپ حابارلايدى Dalanews.kz.
پرەزيدەنت قاسىم-جومارت توقاەۆ رەسپۋبليكا كٷنٸنە ارنالعان سالتاناتتى جيىندا ەل ازاماتتارىن ۇلتتىق مەرەكەمەن قۇتتىقتاپ, بۇل كٷننٸڭ تاريحي ماڭىزى زور ەكەنٸن اتاپ ٶتتٸ.
"ەلٸمٸزدٸڭ ەڭ باستى مەرەكەسٸ – رەسپۋبليكا كٷنٸ قۇتتى بولسىن! ۇلتتىق مەيرام قارساڭىندا دەستٷرگە ساي اقوردا تٶرٸندە مەملەكەتٸمٸزدٸڭ ٷزدٸك ازاماتتارىمەن جينالىپ وتىرمىز", – دەدٸ مەملەكەت باسشىسى.
پرەزيدەنتتٸڭ ايتۋىنشا, بيىل ەلٸمٸز ازاتتىقتىڭ 35 جىلدىق مەرەيلٸ بەلەسٸنە جەتتٸ. دەل وسى كٷنٸ قازاقستاننىڭ ەگەمەندٸگٸ تۋرالى دەكلاراتسييا قابىلدانىپ, عاسىرلار بويعى مەملەكەتتٸلٸك دەستٷر قايتا جاڭعىرعان ەدٸ.
