Berlindegi basqosý barysynda Memleket basshysy Reseige salynǵan sanktsiialarǵa toqtalyp, «Qazaqstanǵa qatysty kúdik bolmaýy tiis» degen edi.
"Qazaqstan sanktsiialyq tártipti ustanatynyn shegelep aitty. Biz sanktsiiany saqtaý boiynsha tiisti uiymdarmen bailanystamyz. Berlinniń sanktsiiany ainalyp ótýge baǵyttalǵan yqtimal áreketterge qatysty qandai da bir kúmáni bolmaýy tiis", – degen bolatyn Toqaev.
Prezidenttiń málimdemesi reseilik aqparat quraldarynyń nazaryna iligip, aiyptaý sarynyndaǵy materialdar jaryq kóre bastady. «Astana Máskeýden irgesin aýlaq salyp, birtindep Batysqa bet burýda...» degen ritorika kúsheie tústi.
Osyǵan orai qoiylǵan «Qazaqparattyń» saýalyna prezident Toqaev kelesidei jaýap qatty.
«Qazaqstan «antiresei» emes. Eki eldiń shekarasy jeti myń shaqyrymǵa sozylyp jatyr. Reseimen jan-jaqty, san-salaly áriptestik ornatý ustanymynan ainyǵan joqpyz. Saýda jáne gýmanitarly bailanystan bólek, ózge salalarda da erteden kele jatqan sabaqtastyq bar», - dedi Prezident.
Toqaevtyń atap ótkenindei sanktsiialyq teketirestiń túbi tuiyqqa tireidi.
«Men bul týraly BUU-nyń Bas Assembleiasynda egjei-tegjeili aitqanmyn. Sanktsiialyq shaiqas halyqaralyq qarym-qatynastyń irgetasyn shaiqaltyp, osy kúnge deiingi atqarylǵan sharýany eroziiaǵa ushyratady.
Qazaqstan sanktsiialyq tizimge engen taýarlardy alyp-satýmen ainalyspaitynyn basa aitqym keledi! Tiisinshe, Reseige baǵyttalǵan paralelldi importqa da bizdiń qatysymyz joq», – dedi kesip aitty Memleket basshysy.
Dese de, dástúrli taýar naryǵynda Reseimen aradaǵy saýda-sattyqtyń kólemi artyp keledi. Toqaevtyń málim etkenindei byltyr bul kórsetkish 25 mlrd dollarǵa jetip jyǵylǵan. Túneýkúni Astanada ótken «InnoÓndiris» kórmesine premer Mishýstin bastaǵan Resei delegatsiiasy arnaiy kelgen.
«Alaida», - deidi Toqaev. Qazaqstan sanktsiialyq shekteýler men tyiymdardy qaperge alýǵa májbúr. Bul máselede halyqaralyq uiymdarmen udaiy bailanystamyz.
Osy sátti paidalanyp, barsha diplomattarǵa ún qatqym keledi: Resei men Ýkrainanyń múddesine sai keletin, kelissóz tetigin tabý qajet. Bul máseleni keiinge shegerýge bolmaidy. Adamzat balasy qaýipti ótkeldiń tabaldyryǵynda tur», – dedi Toqaev.
Aita keteiik, prezident resmi saparmen Germaniiaǵa bardy. Qasym-Jomart Toqaev Germaniia Kantsleri Olaf Sholtspen kezdesti. Joǵary deńgeide ótken kelissózderden keiin eki el basshysy buqaralyq aqparat quraldary úshin birlesken málimdeme jasaǵan.
Atap aitqanda, Memleket basshysyna Qazaqstannyń Reseimen qarym-qatynasy jóninde, Ýkraina tóńiregindegi qaqtyǵystarǵa qatysty suraqtar qoiylǵan.
«Resei de, Ýkraina da kelissóz júrgizýge daiyn ekenin rastaidy. Alaida kelissózdiń qandai alańda júrgiziletini ázirshe belgisiz. Sondyqtan parasatty, salmaqty, saliqaly diplomatiianyń kezeńi týady dep oilaimyn.
Olar birin-biri aiyptaýdy doǵaryp, eki jaqqa da tiimdi kelissózdiń jolyn tabýy kerek.
Qazaqstan Ýkraina qaqtyǵysyn sheshýdiń qandai da bir joldaryn usynyp jatqan ózge elder men memleketter tobynyń kúsh-jigerin qoldaidy. Biz óz tarapymyzdan barlyq qajetti sharany qabyldaimyz», – dedi Qasym-Jomart Toqaev.
