Prezident Qasym-Jomart Toqaev Resei Memlekettik dýmasynyń tóraǵasy Viacheslav Volodindi qabyldady, - dep habarlaidy Dalanews.kz Aqordaǵa siltep.
Kezdesý barysynda Qazaqstan men Resei arasyndaǵy kópjaqty strategiialyq seriktestik pen odaqtastyqty nyǵaitý perspektivalary talqylandy. Qasym-Jomart Toqaev pen Viacheslav Volodin saýda-ekonomikalyq, mádeni-gýmanitarlyq yntymaqtastyqtyń ózekti máseleleri jáne Eýraziialyq integratsiianyń keleshegi jóninde pikir almasty.
Prezident memleketter arasyndaǵy jan-jaqty yntymaqtastyqty nyǵaitý isinde zań shyǵarý organdary mańyzdy ról atqaratynyn airyqsha atap ótti.
Qasym-Jomart kópjaqty yntymaqtastyq aiasynda parlamentaralyq bailanystardy odan ári damytýǵa jáne Qazaqstan men Resei halyqtarynyń múddesi men igiligi úshin ekijaqty seriktestikti barynsha keńeitýge shaqyrdy.
