پرەزيدەنت قاسىم-جومارت توقايەۆ رەسەي مەملەكەتتىك دۋماسىنىڭ ءتوراعاسى ۆياچەسلاۆ ءۆولوديندى قابىلدادى، - دەپ حابارلايدى Dalanews.kz اقورداعا سىلتەپ.
كەزدەسۋ بارىسىندا قازاقستان مەن رەسەي اراسىنداعى كوپجاقتى ستراتەگيالىق سەرىكتەستىك پەن وداقتاستىقتى نىعايتۋ پەرسپەكتيۆالارى تالقىلاندى. قاسىم-جومارت توقايەۆ پەن ۆياچەسلاۆ ۆولودين ساۋدا-ەكونوميكالىق، مادەني-گۋمانيتارلىق ىنتىماقتاستىقتىڭ وزەكتى ماسەلەلەرى جانە ەۋرازيالىق ينتەگراسيانىڭ كەلەشەگى جونىندە پىكىر الماستى.
پرەزيدەنت مەملەكەتتەر اراسىنداعى جان-جاقتى ىنتىماقتاستىقتى نىعايتۋ ىسىندە زاڭ شىعارۋ ورگاندارى ماڭىزدى ءرول اتقاراتىنىن ايرىقشا اتاپ ءوتتى.
قاسىم-جومارت كوپجاقتى ىنتىماقتاستىق اياسىندا پارلامەنتارالىق بايلانىستاردى ودان ءارى دامىتۋعا جانە قازاقستان مەن رەسەي حالىقتارىنىڭ مۇددەسى مەن يگىلىگى ءۇشىن ەكىجاقتى سەرىكتەستىكتى بارىنشا كەڭەيتۋگە شاقىردى.
