Prezident Qasym-Jomart Toqaev Astana halyqaralyq forýmyna qatysý úshin Qazaqstanǵa kelgen CITIC Group kompaniiasy direktorlar keńesiniń tóraǵasy Si Gohýamen kezdesti, dep habarlaidy Dalanews.kz.
Kezdesýde energetika, munai-himiia ónerkásibi, avtojol qurylysy, mineraldy sektor, aýyl sharýashylyǵy jáne basqa da negizgi salalardaǵy seriktestiktiń qazirgi jai-kúii men ony nyǵaitý perspektivasy talqylandy.
Qasym-Jomart Toqaev Aqtaý bitým zaýytyn jańǵyrtý jobasyn tiimdi iske asyrǵany úshin CITIC Group kompaniiasyna alǵys aitty. Óndiris ornyndaǵy jumystar biyl sáýir aiynda merziminen buryn aiaqtaldy.
Prezident Qazaqstannyń senimdi investitsiialyq seriktesi retinde CITIC Group kompaniiasynyń qyzmetine joǵary baǵa berdi.
Si Gohýa korporatsiianyń munai óńdeý zaýyttaryn jańǵyrtý, munai qubyrlaryn tartý, Ortalyq – Batys avtokólik jolyn jóndeý, astyqty tereń óńdeý jobalaryn birlesip júzege asyrýǵa nietti ekenin jetkizdi.
Memleket basshysy Qazaqstan men Qytai arasyndaǵy iskerlik bailanysty nyǵaitý boiynsha belsendi jumys júrgizýdiń mańyzyn atap ótti.
