Memleket basshysy Qasym-Jomart Toqaev "Tazarý kúnine" orai qazaqstandyqtarǵa úndeý jasap, el aýmaǵynda "Taza Qazaqstan" jalpyulttyq jobasynyń jańa kezeńi bastalǵanyn málimdedi, dep habarlaidy Dalanews.kz.
"Bul – Naýryznama onkúndiginde airyqsha oryn alatyn kún. Qoǵamymyzdyń jańǵyrýy kúlli tabiǵattyń jańarýymen tuspa-tus kelip otyr. Ýaqyt pen irgeli ózgeristerdiń osylai úndesýi barshamyzǵa Otanymyzdyń igiligi jolynda aianbai eńbek etýge airyqsha kúsh-jiger beretini sózsiz.
Respýblika aýmaǵynda "Móldir bulaq" bastamasyn jappai júzege asyrý qolǵa alyndy. Bul joba aiasynda bulaqtardyń kózin ashyp, tal egý, jaǵalaýlar men sý aidyndaryn, aýlalar men saiabaqtardy tazalaý jumystary jalǵasa beredi", - dedi ol.
Prezident jańa qabyldanǵan Halyq Konstitýtsiiasynda azamattardyń tabiǵatqa qamqorlyqpen qaraýy ulttyq dúnietanymnyń negizgi qaǵidaty retinde aiqyndalǵanyn atap ótti.
"Jańa Halyq Konstitýtsiiasy el birliginiń arqaýy, rýhani jáne quqyqtyq baǵdarymyz ári Táýelsizdigimizdiń myzǵymas tuǵyry bolatyny kúmánsiz.
Ata zańymyz qoǵamda dúnietanymymyz ben bitim-bolmysymyzdyń ózegi sanalatyn yntymaq, jaýapty ári jasampaz otanshyldyq, sondai-aq "Taza Qazaqstan" qundylyqtaryn qalyptastyrady", - dep qosty ol.
Memleket basshysy "Taza Qazaqstan" tujyrymdamasynyń máni tek qorshaǵan ortany taza ustaýmen shektelmeitinin aitty.
"Taza Qazaqstan" ideologiialyq tujyrymdamasynyń túpki máni kóshelerdi, aýlalardy jáne ainalamyzdy taza ustaýdan ǵana emes, Qazaqstan azamattarynyń ál-aýqatyn arttyrýǵa bastaityn niet pen peiildiń tazalyǵynan kórinis tabady.
Otandastarymyzdy Tazarý kúnimen quttyqtaimyn!
Qazir tabiǵat igilikterin uqypty paidalaný jáne sanaly tutyný jolyn tańdaǵan azamattarymyzdyń sany artyp keledi. Bul – jarqyn bolashaǵymyzǵa kepil bolatyn igi úrdis.
Men búkil halqymyzdy tazalyq pen tártip estafetasyna belsene qatysýǵa shaqyramyn.
Bárimiz kúsh biriktirsek, elimizdi biik belesterge jetelep, Ádiletti, Taza, Órkendegen Qazaqstandy qura alamyz.
Barshańyzǵa amandyq jáne baq-bereke tileimin!", - dep sózin túiindedi Toqaev.
