Prezident BUU-ǵa múshe memleketterdiń aýqymdy dialogty bastaýy, iri derjavalardyń saiasi erik-jiger kórsetýi óte mańyzdy dep sanaidy, dep habarlaidy Dalanews.kz.
Memleket basshysy Halyqaralyq beibitshilik jáne senim jylyna, Halyqaralyq beitaraptyq kúni men Túrikmenstannyń turaqty beitaraptyǵynyń 30 jyldyǵyna arnalǵan forýmǵa qatysty.
Memleket basshysy elimiz Túrikmenstan Prezidentiniń BUU beibitshilik jáne beitaraptyq ýniversitetin ashý jónindegi búgingi usynysyn qoldaitynyn aitty.
"Qazirdiń ózinde jahan jik-jikke bólinýden, tipti iadrolyq soǵystan bas tartyp, beibitshilik, senim, yntymaq sekildi qundylyqtardy basshylyqqa alǵan kezde álemde ádiletti jáne ornyqty tártip ornatýǵa bolatyny belgili boldy. Osy oraida elimiz Ýkrainadaǵy qaqtyǵysty retteý boiynsha kelissóz protsesiniń jandanýyna qoldaý bildiredi. Resei men AQSh prezidentteriniń Ankoridjdegi kezdesýinen keiin beibitshilik paktisiniń negizgi erejeleri belsendi talqylana bastady. Bul kópten kútken bitimge kelý múmkindigin jaqyndatty", – dedi Prezident.
