"Prezident Qasym-Jomart Toqaev Qazaqstan Respýblikasy memlekettik qyzmetshileri ádep kodeksiniń 9-tarmaǵynyń talaptaryn saqtamaǵany úshin Qazaqstannyń Mysyr Arab Respýblikasyndaǵy tótenshe jáne ókiletti elshisi Qairat Qaiyrbekuly Lama Sharifke sógis jariialady", - delingen Prezidettiń baspasóz qyzmeti habarlamasynda.
...
Buǵan deiin el ataýyna qatysty pikirin bildirgen Qairat Lama-Sharif "stan" uǵymy "memleket" maǵynasyn bermeitinin alǵa tartyp, "Qazaq memleketi" degen ataýdy qabyldaýdy usynǵan edi.
Onyń aitýynsha, búgingi kúni BUU-nyń quramyndaǵy 193 memlekettiń jeteýiniń ataýy "stan" jurnaǵymen aiaqtalady. Qyrǵyzstan, Tájikstan, Ózbekstan, Qazaqstan jáne taǵy basqalar.
Osy oraida Qairat Lama-Sharif "stan" jurnaǵynyń resmi termini "memleket" maǵynasyn bermeitinin aitqan.
"Sondyqtan, meniń pikirimshe, Ata zańymyzǵa ózgerister engizgende QAZAQ MEMLEKETI, KAZAHSKOE GOSÝDARSTVO (orysshasy), STATE OF QAZAQ (aǵylshyn tilinde) dep taiǵa tańba basqandai jazýymyz kerek", – degen edi Lama-Sharif.
Sonymen qatar, diplomat BUU-ǵa múshe 193 eldiń 125-i memlekettiń tolyq resmi ataýyna "respýblikasy" degen sózdi qosyp jazatynyna da toqtalǵan.
"Osy tizimde atyna zaty sai kelmeitin, demokratiialyq qundylyqtaryn joǵaltqan, bir sýperprezidentke jyldar boiy tabynǵan "respýblikalar" jetkilikti. Sondyqtan memlekettigimizdi kórsetetin "State of Qazaq" ataýyn kópshiliktiń talqysyna salamyn", – degen bolatyn diplomat.
Odan bólek ol latyn tilinen engen "ia" sóz týdyrýshy jurnaqty qosyp, qysqa ataýmen atalatyn elderdi de eskerip, Qazaq memleketiniń qysqa ataýyn "QAZAQIA" degenimiz jón bolar degen de usynysyn jetkizgen.
