2024 jyly 14 qazanda Memleket basshysy Qasym-Jomart Toqaev "QazaqGaz" UK" AQ basqarma tóraǵasy Sanjar Jarkeshovti qabyldady, dep habarlaidy Dalanews.kz.
Aqorda baspasóz qyzmetiniń málimetinshe, Sanjar Jarkeshov Prezidentke ulttyq kompaniianyń biylǵy 9 aida atqarǵan jumysynyń qorytyndysy týraly esep berdi.
Sondai-aq:
- iri investitsiialyq jobalardy júzege asyrý jáne tranzittik áleýetti damytý boiynsha buǵan deiin berilgen Prezident tapsyrmalarynyń oryndalý barysyn baiandady;
- "Almaty – Baiserke – Talǵar" gaz qubyrynyń ekinshi jelisin salý, sondai-aq Almatydaǵy ekinshi jáne úshinshi jylý elektr ortalyqtarynyń gazǵa arnalǵan infraqurylymyn jasaqtaý jumystary aiaqtalǵanyn aitty. Budan bólek, "Taldyqorǵan – Úsharal" magistraldi gaz qubyry salyna bastady. Ózbekstanǵa gaz tasymaldaý kólemin ulǵaitý úshin "Orta Aziia – Ortalyq" júiesin jańǵyrtý boiynsha daiyndyq jumystary júrip jatyr;
- resýrstyq bazany keńeitý sharalary jóninde málimet berdi:
- el ekonomikasyndaǵy taýarly gazdy tutyný kóleminiń eselep artýyn eskere otyryp, atalǵan salanyń geologiialyq barlaý jobalaryn júzege asyrýǵa shetelden investitsiia tartylǵan;
- Chevron kompaniiasymen Aqtóbe oblysynda geologiialyq barlaý jumystaryn júrgizý týraly kelisimge qol qoiylǵan. Joba tolyǵymen investordyń óz qarjysy esebinen júrgiziledi;
- Energetika, Ulttyq ekonomika ministrlikterimen birlese júrgizilip jatqan bastamalar týraly baiandady. Bul sharalar Memleket basshysy Joldaýynda aitqan gaz salasynyń investitsiialyq tartymdylyǵyn arttyrýǵa, kógildir otynnyń laiyqty tarifi men kóterme baǵasyn belgileýge qatysty tapsyrmalaryn oryndaý maqsatynda qabyldanyp jatyr.
Prezident jylytý maýsymynda halyqty jáne ekonomikany gazben turaqty qamtamasyz etý, salany reformalaýdy jalǵastyrý, gaz tasymaldaý júiesiniń qýattylyǵyn arttyrý boiynsha birqatar tapsyrma berdi.
Ait ketsek, "QazaqGaz" Ulttyq kompaniiasy" aktsionerlik qoǵamy otandyq, sondai-aq sheteldik gaz naryǵynda memlekettiń múddecin bildiretin Qazaqstan Respýblikasynyń negizgi gaz kompaniiasy bolyp tabylady.
"QazaqGaz" UK "AQ "Samuryq-Qazyna" UÁQ" AQ portfeldik kompaniiasyna jatady. Kompaniia taýarlyq gazdy magistraldyq gaz qubyrlary men gaz taratý jelileri arqyly tasymaldaý jónindegi ortalyqtandyrylǵan infraqurylymdy basqarady, halyqaralyq tranzitti qamtamasyz etedi jáne ishki jáne syrtqy naryqtarda gaz satýmen ainalysady, qubyrlar men gaz qoimalaryn ázirleidi, qarjylandyrady, salady jáne paidalanady.
