Memleket basshysy Qazaqstan Respýblıkasy Qaýipsizdik keńesiniń otyrysyn ótkizdi. Prezıdenttiń keńesshisi - baspasóz hatshysy Rýslan Jeldibaı keńes otyrysy jóninde tolyǵyraq aıtty, - dep habarlaıdy Dalanews.kz.
"Jıyn barysynda barlyq salalyq vedomstvonyń atyna syn-eskertpeler aıtylyp, egjeı-tegjeıli talqylaý ótti", - dep jazdy ol.
Memleket basshysy ekstremızm men terorızmge qarsy kúresti jáne ulttyq qaýipsizdikti nyǵaıtýǵa baǵyttalǵan úılesimdi jumysty kúsheıtý qajet ekenine nazar aýdarǵan.
"Qasym-Jomart Toqaev "Zań jáne tártip" qaǵıdaty negizinde jumysty uıymdastyrýdyń asa mańyzdylyǵyn atap ótip, atalǵan salalardaǵy jaǵdaıǵa taldaý jasady.
Prezıdent azyq-túlik jáne ekologıalyq qaýipsizdikti qamtamasyz etýdiń, el azamattaryn alańdatatyn máselelerdi sheshý úshin sıfrlyq quraldar men jasandy ıntellektini damytýdyń ózektiligine toqtaldy", - dedi Rýslan Jeldibaı.
Memleket basshysy barsha qoǵamnyń múddesi úshin Úkimetke Ádiletti Qazaqstandy qurý baǵdarlamasyn iske asyrýǵa kúsh salýdy tapsyrǵan.
