مەملەكەت باسشىسى قازاقستان رەسپۋبليكاسى قاۋىپسىزدىك كەڭەسىنىڭ وتىرىسىن وتكىزدى. پرەزيدەنتتىڭ كەڭەسشىسى - باسپا ءسوز حاتشىسى رۋسلان جەلدىباي كەڭەس وتىرىسى جونىندە تولىعىراق ايتتى، - دەپ حابارلايدى Dalanews.kz.
"جيىن بارىسىندا بارلىق سالالىق ۆەدومستۆونىڭ اتىنا سىن-ەسكەرتپەلەر ايتىلىپ، ەگجەي-تەگجەيلى تالقىلاۋ ءوتتى"، - دەپ جازدى ول.
مەملەكەت باسشىسى ەكسترەميزم مەن تەرروريزمگە قارسى كۇرەستى جانە ۇلتتىق قاۋىپسىزدىكتى نىعايتۋعا باعىتتالعان ۇيلەسىمدى جۇمىستى كۇشەيتۋ قاجەت ەكەنىنە نازار اۋدارعان.
"قاسىم-جومارت توقايەۆ "زاڭ جانە ءتارتىپ" قاعيداتى نەگىزىندە جۇمىستى ۇيىمداستىرۋدىڭ اسا ماڭىزدىلىعىن اتاپ ءوتىپ، اتالعان سالالارداعى جاعدايعا تالداۋ جاسادى.
پرەزيدەنت ازىق-تۇلىك جانە ەكولوگيالىق قاۋىپسىزدىكتى قامتاماسىز ەتۋدىڭ، ەل ازاماتتارىن الاڭداتاتىن ماسەلەلەردى شەشۋ ءۇشىن سيفرلىق قۇرالدار مەن جاساندى ينتەللەكتىنى دامىتۋدىڭ وزەكتىلىگىنە توقتالدى"، - دەدى رۋسلان جەلدىباي.
مەملەكەت باسشىسى بارشا قوعامنىڭ مۇددەسى ءۇشىن ۇكىمەتكە ادىلەتتى قازاقستاندى قۇرۋ باعدارلاماسىن ىسكە اسىرۋعا كۇش سالۋدى تاپسىرعان.
