Brıfıńte RIA Novostı agenttiginiń jýrnalısiniń «Pýtın búgin [Qazaqstan prezıdenti] Toqaevpen sóıleskende ony 9 mamyrda Máskeýdegi paradqa shaqyrdy ma?» dep suraǵanda Peskov:
«Jeńis kúnine biz sheteldik lıderlerdi shaqyrmaımyz. Bul – dóńgelek data emes. Bul – bizdiń mereke, bul – búkil Reseı men reseılikter úshin qasıetti mereke. Biraq sheteldik lıderlerdi shaqyrmaımyz. Meniń bilýimshe, Lýkashenkony da shaqyrý josparlanbaǵan» dedi.
Kreml 9 mamyrda Máskeýde Jeńis kúnine oraı áskerı paradqa daıyndalyp jatyr. Bul áskerı sherý Ýkraınadaǵy soǵys tusynda ótpek. Batys barlaýshylary naýryzda «Kreml 9 mamyrǵa deıin Ýkraınadaǵy soǵysta qandaı da bir jetistikke jetýdi josparlaıdy» degen edi. Biraq Reseı áskerıleri Kıev mańynda aıtarlyqtaı jetistikke jete almaı Donbassqa qaraı aýysqan. Ulybrıtanıa qorǵanys mınıstrligi «Reseı áskerıleri Donbassta da aıtarlyqtaı jetistikke jete almaı jatyr» deıdi.
Derekkóz: Azattyq
