Memleket basshysy Qasym-Jomart Toqaev Resei Prezidenti Vladimir Pýtinmen Dýshanbede kezdesti, dep habarlaidy Dalanews.kz.
Qasym-Jomart TOQAEV:
– 12 qarasha kúni, iaǵni eki aptadan keiin Sizdiń shaqyrýyńyzben Reseige saparmen baramyn. Biz buǵan erekshe mán berip otyrmyz. Bul sapar eki el arasyndaǵy strategiialyq seriktestik pen odaqtastyq qatynastarǵa tyń serpin beredi dep oilaimyn. Qazaqstan men Reseidi shyn máninde máńgi odaqtastyq, strategiialyq seriktestik jáne dostyq qarym-qatynastar bailanystyrady. Kórsetkishterge kóńil tolady. Meniń Reseige jasaityn saparymnyń aldynda ózara saýda kólemi joǵary deńgeige jetti. Byltyr onyń kólemi 28 milliard dollardy qurady. Resei bizdiń ekonomikaǵa qarjy quiyp otyrǵan negizgi investorlardyń biri. Osy jyldar ishinde Resei biznesi Qazaqstanǵa 26 milliard dollardan astam investitsiia saldy. Ótken jyldyń ózinde elimizge 4 milliard dollar investitsiia keldi. Birqatar iri jobalar júzege asyrylyp jatyr. Jalpy quny 22 milliard dollarǵa jýyq 114 jobanyń iske asyrylǵanyn mysalǵa alsaq ta jetkilikti. Bul baǵyttaǵy jumys áli de jalǵasady, – dedi Memleket basshysy.
Vladimir PÝTIN:
– Biz Qazaqstanmen qarym-qatynasty joǵary baǵalaimyz. Eki el arasyndaǵy bailanystardyń sipaty erekshe. Buǵan Siz ben bizdiń dostyǵymyz ǵana yqpal etip otyrǵan joq. Óitkeni Qazaqstan men Resei postkeńestik keńistiktegi integratsiialyq úderisterge bastamashy bolyp kele jatqany belgili. Bizde turaqty túrde nazar aýdaratyn ekijaqty máseleler jetkilikti. Óz tarapymnan Qazaqstan-Resei bailanystaryn damytýǵa qosqan úlesińiz úshin Sizge alǵys aitamyn. Ekijaqty formattaǵy osyndai kezdesýlerimiz yntymaqtastyǵymyzdy damytý úshin paidaly bolatynyna senimdimin, – dedi Resei Prezidenti.
