Búgin Qazaqstan men Túrkıa kóshbasshylary birin-biri Oraza aıt merekesimen quttyqtady jáne baýyrlas eki halyqtyń ósip-órkendep, jetistikke jetýine tilektestik bildirdi, – dep habarlaıdy Bort №1 Telegramm arnasy.

Prezıdentter saýda-ekonomıkalyq, ınvestısıalyq jáne mádenı-gýmanıtarlyq yntymaqtastyqty odan ári nyǵaıtýǵa mán bere otyryp, qazaq-túrik strategıalyq seriktestigin damytýdyń perspektıvalaryn talqylady.

Rejep Taııp Erdoǵan Qasym-Jomart Toqaevtyń 10-11 mamyrda Túrkıaǵa josparlaǵan memlekettik sapary eki el arasyndaǵy jan-jaqty strategıalyq seriktestikti keńeıtýdiń mańyzdy belesi bolatynyn aıtty.

Memleketimizdiń basshysy Ankaradaǵy kelissózder osyndaı deńgeıde ótedi degen pikirmen kelisti.

Qazaqstan Prezıdenti ekonomıkalyq, gýmanıtarlyq jáne mádenı baılanystardy keńeıtýde Túrki memleketteri uıymynyń róli zor ekenin atap ótti.