Prezident Qasym-Jomart Toqaev pedagogterdi attestatsiiadan ótkizý talaptaryn ońtailandyryp, júieni jetildirý jóninde tapsyrma berdi, dep habarlaidy dalanews.kz.
Memleket basshysy bul týraly Astanada ótip jatqan respýblikalyq tamyz konferentsiiasynda aitty.
Prezident bilim salasyndaǵy kez kelgen reformany engizer aldynda onyń tiimdiligin jan-jaqty saralaý qajet ekenin atap ótti.
«Reforma – bul bastapqy synaq, eksperiment emes. Bul – jaýapty sheshim men is-shara. Úkimet pedagogikalyq joǵary oqý oryndarynyń qyzmetin qaita qaraý kezinde bul máseleni mindetti túrde eskerýge tiis», – dedi Toqaev.
Onyń sózinshe, ustazdardy mektep pen balabaqshadaǵy jumystyń kásibi erekshelikterine beiimdeitin biryńǵai júie qurý týraly usynys bar. Prezident bul bastamany jan-jaqty qarap, qajet bolǵan jaǵdaida júzege asyrýdy usyndy.
Sonymen qatar Qasym-Jomart Toqaev muǵalimderge kásibi qoldaý kórsetýge arnalǵan «Órleý» biliktilikti arttyrý ortalyǵynyń jumysyn synǵa aldy.
«Ózderińizge málim, muǵalimderge kásibi qoldaý kórsetý úshin «Órleý» biliktilikti arttyrý ortalyǵy quryldy. Biraq búginde bul uiymnyń jumysy mardymsyz deýge bolady», – dedi prezident.
Memleket basshysynyń aitýynsha, pedagogterden attestatsiia erejelerin qaita qaraýǵa qatysty kóptegen ótinish túsken. Muǵalimder artyq júkteme men qaǵazbastylyqtyń kóptigine shaǵymdanǵan.
Osyǵan bailanysty prezident attestatsiiadan ótkizý talaptaryn jetildirý jóninde naqty tapsyrma bergenin málimdedi.
«Bul jerde baǵalaýdan múlde bas tartý nemese ony kúrdelendirý týraly sóz bolyp otyrǵan joq. Bilimdi ádil baǵalaý – bilim berý júiesiniń ózegi. Bizge meilinshe túsinikti ári ashyq júie kerek», – dedi Toqaev.
Tiisti ministrlik bul másele boiynsha usynystar ázirleýi tiis.
Sondai-aq prezident pedagogterdiń biliktiligin arttyrý baǵdarlamalaryna jańa Konstitýtsiia qundylyqtaryn, «Zań men tártip», «Adal azamat» jáne «Taza Qazaqstan» ideialaryn engizý qajet ekenin atap ótti.
