Qazaqstan men Qytai azamattarynyń ulttyq júrgizýshi kýálikterin ózara taný jáne aiyrbastaý týraly Úkimet qaýlysynyń jobasy ázirlendi, dep habarlaidy dalanews.kz.
Qujat qabyldansa, eki eldiń azamattary belgilengen talaptardy saqtap, óz elinde berilgen júrgizýshi kýáligimen ekinshi eldiń aýmaǵynda jeńil kólik júrgize alady.
Sondai-aq, júrgizýshi kýáligin aiyrbastaý kezinde qaita oqyp, emtihan tapsyrýdyń qajeti bolmaidy. Bul úshin qujat aiyrbastalatyn eldiń talaptary saqtalýǵa tiis.
Jańa tártip azamattarǵa qoiylatyn ákimshilik rásimderdi azaityp, Qazaqstan men Qytai arasynda kólikpen qatynaýdy jeńildetýge baǵyttalǵan. Qazir qujat "Ashyq NQA" portalynda jariia talqylaýǵa shyǵarylǵan. Talqylaý 30 tamyzǵa deiin jalǵasady.
