Kentaýda turǵyndardy dúrliktirgen habarlama shyndyqqa janaspaidy. Bul týraly politsiia málimdedi, dep habarlaidy dalanews.kz.
Kentaýda politsiiaǵa Iassaýi dańǵylyndaǵy kópqabatty úilerdiń biriniń aýlasynan adam súiegi tabylǵany týraly aqparat túsken. Oqiǵa ornyna jedel tergeý toby birden shyqqan.
"Politsiia aýmaqty, sonyń ishinde qoqys jáshikterin tekserdi. Aqparat rastalǵan joq. Qazir habarlamanyń shyqqan kózi jáne onyń taralý joldary anyqtalyp jatyr", - dedi IIM ókili.
Tekseris nátijesinde zańnamaǵa sáikes tiisti sheshim qabyldanady.
