Úkimettiń keńeitilgen otyrysynda Qasym-Jomart Toqaev memlekettik apparattyń sheshimderi baiaý qabyldanatynyn synǵa alyp, bul turǵyda túbegeili ózgerister qajet ekenin atap ótti, dep habarlaidy Dalanews.kz.
- Memlekettik apparat normativtik aktilerge kóp shuqshiyp, vedomstvoaralyq úilestirýge ýaqyt jumsap negizgi sheshimderdi baiaý qabyldaidy. Halyqaralyq básekelestiktiń qatań jaǵdaiyn jáne halyqtyń zańdy talaptaryn eskersek, endi bulai jumys isteýge bolmaidy. Mundaida reformalardy "tizege sala otyryp" júrgizýge týra keledi, - dedi ol.
Ol jaqsy oryndaǵanda ǵana kez kelgen josparymyz keremet bolyp tanylatynyn erekshe atap ótti.
- Bul másele tek memlekettik qyzmetke qatysty emes. Memlekettik basqarý tujyrymdamasy neǵurlym keń uǵym, ol azamattardyń qajettilikterin qanaǵattandyrýǵa baǵyttalǵan qyzmet kórsetý modelin qurýdy qarastyrady.
Bizge memlekettik apparattyń qurylymyn, memlekettik organdardaǵy adamdardyń ońtaily sanyn anyqtaý kerek. Al memlekettik apparat – mundaǵylardan tek nátije men sáttilik talap etilip, suralady.
Jyl sońyna deiin biz basqarý sapasynda alǵa jylji túsýimiz kerek. Qazir biz prezidenttik rezervti jasaqtadyq. Biraq bul jetkiliksiz. Men ákimderden rezervisterge nazar aýdarýdy suraimyn. Memlekettik qyzmette paidaly bola alatyn bizde myqty jastar bar, - dedi Prezident.
Memleket basshysy memlekettik qyzmetker qaǵazdaǵy esepke emes, nátijege qarap, baǵyt-baǵdar alýy kerek dep sanaidy. Toqaevtyń pikirinshe, selqostyq, bastamashyl bolmaý, sheshim qabyldaýdan qashqaqtaý - quqyq qorǵaý organdarynyń erekshe qadaǵalaýynyń nátijesi.
