Prezident pikirinshe búkil mem.apparat basqarýdyń burynǵy ádis-tásilderinen arylyp, jańa jaǵdaiǵa beiimdelýi kerek. Áitpese ornyn bosatady.
"Qalyptasqan jaǵdaida memleketti basqarýdyń joldaryn túbegeili ózgertý qajet. Memlekettik mańyzy bar sheshim qabyldaityn tulǵalar óz-ózine jaýapkershilik ala bilip, batyl, ári nátijeli sheshim shyǵarýy kerek.
Daǵdarys saldarymen kúresý úshin memlekettik basqarý júiesine shuǵyl sheshim qabyldaityn quqyq beretin qaýly qabyldadym.
Budan bylai mem.organdar kez-kelgen máseleni qarastyrarda óz áleýetine senip, óz kózqarasy negizinde sheshim qabyldai alady. Bul birinshi kezekte biýdjet protsesi, baǵa baqylaýy, memlekettik satyp alý, jeńildik berý sekildi máselelerge qatysty", – deidi Toqaev.
Prezident Úkimet músheleri men ákimderge birkezdegi jaibaraqat ómirdiń kelmeske ketkenin eske alyp, múlde basqa jaǵdaida jumys isteitin kez kelgenin eskertti.
"Qazirgi jaǵdaiǵa júrdim-bardym qarap, baiaǵy áýenine basyp, eshnárseni ózgertkisi kelmei, eski tásilmen basqara bergendi unatatyn, elden buryn, jeke basynyń múddesin joǵary qoiatyn ministrler men ákim-qaralar ornyn bosatady.
Búitpesek bul daǵdarysty eńsere almaimyz. Ministrler men ákimder shapshań qimyldaýy qajet", – deidi Toqaev.
Prezident mem.basqarýdaǵy ózgeristerdi jyldamdatyp engizip, daǵdarysqa qarsy shara qabyldaýdy Úkimet basshysyna tapsyrdy.
