Memleket basshysy "Qazaqstan Respýblikasynda tsifrlyq aktivter indýstriiasyn yntalandyrý jáne damytý jónindegi sharalar týraly" jarlyqqa qol qoidy, dep habarlaidy dalanews.kz.
Osylaisha Qazaqstanda tsifrlyq aktivter naryǵyn damytýǵa arnalǵan jańa qujat qabyldandy. Ulttyq bank tóraǵasy Timýr Súleimenovtiń aitýynsha, bul - salany keshendi jańǵyrtýǵa jol ashatyn aýqymdy qadam. Qujat uzaq merzimdi investitsiia tartýǵa, kapitaldy el ishinde shoǵyrlandyrýǵa jáne ulttyq infraqurylymdy nyǵaitýǵa quqyqtyq ári ekonomikalyq negiz qalyptastyrady.
Jańa bastama - 1 mamyrda engizilgen tsifrlyq aktivterdi keshendi retteý reformasynyń jalǵasy. Qujat investitsiia tartýdy, ulttyq tsifrlyq infraqurylymdy damytýdy jáne tsifrlyq qarjy quraldarynyń qoldanylý aiasyn keńeitýdi kózdeidi.
Jarlyqqa sáikes Ulttyq bank memlekettik organdarmen jáne naryq qatysýshylarymen birlesip, kriptoindýstriiany damytýdyń orta merzimdi josparyn ázirleidi. Sonymen qatar, halyqaralyq esep aiyrysý men transshekaralyq aýdarymdarda steiblkoindi paidalaný tetikteri engizilip, tsifrlyq aktivter salasynda qyzmet kórsetetin provaiderlerdiń múmkindikteri keńeitiledi.
Qujatta ekologiialyq talaptarǵa da erekshe mán berilgen. Tsifrlyq maining jańartylatyn energiia kózderin paidalanyp, eldiń energetikalyq júiesine qosymsha júkteme túsirmeýge tiis.
