Prezident Qasym-Jomart Toqaev Túrki memleketteri uiymynyń beiresmi sammitine qatysý úshin Býdapeshtke bardy, dep habarlaidy Dalanews.kz.
Memleket basshysy Majarstan premer-ministrimen kelissóz júrgizdi. Qasym-Jomart Toqaev Viktor Orbanǵa iltipat bildirip, byltyr Býdapesht qalasyna jasaǵan memlekettik saparyn yqylaspen atap ótti. Onyń aiasynda birqatar strategiialyq mańyzdy kelisimge qol qoiyldy.
Memleket basshysynyń aitýynsha, naqty ýaǵdalastyqtarǵa qol jetkizý, sondai-aq, Astana men Býdapesht arasyndaǵy ózara túsinistikti nyǵaitý turǵysynan osy sapar nátijeli boldy.
Prezident ekijaqty bailanystyń basym baǵyty retinde saýda-ekonomikalyq jáne investitsiialyq yqpaldastyqty atady. Byltyr ózara saýda-sattyqtyń kólemi 200 million dollarǵa jetti, osy jyldyń alǵashqy toqsanynda taýar ainalymy 37 paiyzǵa ósti.
Qazaqstan ekonomikasyna quiylǵan majar investitsiiasy 370 million dollardan asty. Qazir eki el mashina jasaý, aýyl sharýashylyǵy jáne logistika salalarynda 16 birlesken investitsiialyq jobany júzege asyryp jatyr. Olardyń quny 700 million dollarǵa jýyqtaidy. Prezident Túrki memleketteri uiymynyń erteńgi beiresmi sammitiniń mańyzyna toqtalyp, elimiz TMU qyzmetiniń barlyq basym baǵyty boiynsha syndarly dialogty jalǵastyrýǵa beiil ekenin rastady. Viktor Orban saparmen kelgeni úshin Qasym-Jomart Toqaevqa alǵys aityp, qazaq-majar qatynastarynyń ornyqty ári qarqyndy sipat alǵanyna nazar aýdardy.
Majarstan premer-ministri sońǵy jyldary ekijaqty yntymaqtastyq, ásirese, ekonomika salasynda belsendi damyp kele jatqanyn jetkizdi.
Sonymen qatar, sammitti uiymdastyrýǵa jan-jaqty qoldaý kórsetkeni úshin rizashylyǵyn bildirdi.
Kezdesýde byltyr joǵary deńgeide ótken kelissózderdiń qorytyndysy boiynsha qol jetkizilgen ýaǵdalastyqtardyń, sonyń ishinde energetika, saýda jáne investitsiia salalaryndaǵy birlesken jobalardyń oryndalý barysy talqylandy.
Budan bólek taraptar halyqaralyq kún tártibindegi ózekti máseleler jóninde pikir almasty.
