Memleket basshysy Qasym-Jomart Toqaev Volonterler forýmynda sóz sóiledi, dep habarlaidy Dalanews.kz.
Qasym-Jomart Toqaev Konstitýtsiialyq komissiia otyrystarynda Ata Zańymyzǵa qatysty kóptegen progressivti, innovatsiialyq usynystar berilgenine nazar aýdardy.
"Halyqtan kelip túsken usynystardy júielep, jinaqtaý úshin Konstitýtsiialyq komissiia quryldy. Onyń quramyna barlyq aimaqtyń ókilderi men túrli sanattaǵy azamattar, halyq qalaýlylary, ortalyq atqarýshy organdardyń basshylary, quqyqtanýshy ǵalymdar, til mamandary jáne belsendi jastar kirdi. Qoǵam ókilderin qamtý aýqymy, kásibilik men azamattyq jaýapkershilik turǵysynan alǵanda, mundai komissiia elimizde buryn-sońdy bolmaǵan dep senimmen aitýǵa bolady. Komissiia jumysy elimizdiń qoǵamdyq-saiasi ómirine tyń serpin berdi. Komissiia músheleri konstitýtsiialyq reformaǵa qatysty ár máseleni egjei-tegjeili qarap, jan-jaqty talqylap, aýqymdy jumys atqaryp jatyr. Osyǵan deiin Komissiianyń 5 otyrysy ótti. Onyń bári áleýmettik jelide tikelei efirden kórsetilip, aqparat quraldary arqyly keńinen taratyldy. Men talqylaý barysyn muqiiat qadaǵalap otyrmyn. Osy oraida, Ata Zańymyzǵa qatysty kóptegen progressivti, innovatsiialyq usynys berildi dep senimmen aita alamyn. Túptep kelgende munyń bári elimizdiń Ata Zańyna negiz bolady. Bul álemde qalyptasqan qazirgi kúrdeli kezeńde birtutas Qazaqstan halqyna baǵyt silteitin mańyzdy qujatqa ainalady dep senemin", - dedi Toqaev.
Sonymen qatar, Konstitýtsiia kez kelgen eldiń eń basty jol kórsetetin qujaty, temirqazyǵy ekenine toqtaldy.
"Keshegi otyrystaǵy pikirtalasta Komissiia músheleri "Ata Zańǵa engiziletin ózgerister aýqymyna qarasaq, jańa Konstitýtsiia qabyldaýymyz kerek" degen bailam jasady. Shyn máninde, usynylǵan túzetýler jobasy eldi institýtsionaldyq-quqyqtyq turǵyda jańǵyrtýmen ǵana shektelmeidi. Sonymen birge bul qadam tutas memlekettik júieni qaita túzýge jol ashady. Túbirimen ózgergen múldem jańa qujattyń beinesi qalyptasty. Ata Zańymyzda jarqyn bolashaqqa nyq qadam basqan búgingi Qazaqstannyń tuǵyry ábden bekigen memleket retindegi idealdary, qaǵidattary men basymdyqtary kórinis tabady. Árine, qoldanystaǵy Ata Zań Qazaqstannyń táýelsiz memleket retinde damýyna eleýli úles qosty. Muny eshkim joqqa shyǵarmaidy. Sondyqtan byltyrǵy 30 tamyzda Konstitýtsiianyń 30 jyldyǵyn keńinen atap óttik", - dedi Prezident.
