مەملەكەت باسشىسى قاسىم-جومارت توقاەۆ ۆولونتەرلەر فورۋمىندا سٶز سٶيلەدٸ, دەپ حابارلايدى Dalanews.kz.
قاسىم-جومارت توقاەۆ كونستيتۋتسييالىق كوميسسييا وتىرىستارىندا اتا زاڭىمىزعا قاتىستى كٶپتەگەن پروگرەسسيۆتٸ, يننوۆاتسييالىق ۇسىنىستار بەرٸلگەنٸنە نازار اۋداردى.
"حالىقتان كەلٸپ تٷسكەن ۇسىنىستاردى جٷيەلەپ, جيناقتاۋ ٷشٸن كونستيتۋتسييالىق كوميسسييا قۇرىلدى. ونىڭ قۇرامىنا بارلىق ايماقتىڭ ٶكٸلدەرٸ مەن تٷرلٸ ساناتتاعى ازاماتتار, حالىق قالاۋلىلارى, ورتالىق اتقارۋشى ورگانداردىڭ باسشىلارى, قۇقىقتانۋشى عالىمدار, تٸل ماماندارى جەنە بەلسەندٸ جاستار كٸردٸ. قوعام ٶكٸلدەرٸن قامتۋ اۋقىمى, كەسٸبيلٸك مەن ازاماتتىق جاۋاپكەرشٸلٸك تۇرعىسىنان العاندا, مۇنداي كوميسسييا ەلٸمٸزدە بۇرىن-سوڭدى بولماعان دەپ سەنٸممەن ايتۋعا بولادى. كوميسسييا جۇمىسى ەلٸمٸزدٸڭ قوعامدىق-ساياسي ٶمٸرٸنە تىڭ سەرپٸن بەردٸ. كوميسسييا مٷشەلەرٸ كونستيتۋتسييالىق رەفورماعا قاتىستى ەر مەسەلەنٸ ەگجەي-تەگجەيلٸ قاراپ, جان-جاقتى تالقىلاپ, اۋقىمدى جۇمىس اتقارىپ جاتىر. وسىعان دەيٸن كوميسسييانىڭ 5 وتىرىسى ٶتتٸ. ونىڭ بەرٸ ەلەۋمەتتٸك جەلٸدە تٸكەلەي ەفيردەن كٶرسەتٸلٸپ, اقپارات قۇرالدارى ارقىلى كەڭٸنەن تاراتىلدى. مەن تالقىلاۋ بارىسىن مۇقييات قاداعالاپ وتىرمىن. وسى ورايدا, اتا زاڭىمىزعا قاتىستى كٶپتەگەن پروگرەسسيۆتٸ, يننوۆاتسييالىق ۇسىنىس بەرٸلدٸ دەپ سەنٸممەن ايتا الامىن. تٷپتەپ كەلگەندە مۇنىڭ بەرٸ ەلٸمٸزدٸڭ اتا زاڭىنا نەگٸز بولادى. بۇل ەلەمدە قالىپتاسقان قازٸرگٸ كٷردەلٸ كەزەڭدە بٸرتۇتاس قازاقستان حالقىنا باعىت سٸلتەيتٸن ماڭىزدى قۇجاتقا اينالادى دەپ سەنەمٸن", - دەدٸ توقاەۆ.
سونىمەن قاتار, كونستيتۋتسييا كەز كەلگەن ەلدٸڭ ەڭ باستى جول كٶرسەتەتٸن قۇجاتى, تەمٸرقازىعى ەكەنٸنە توقتالدى.
"كەشەگٸ وتىرىستاعى پٸكٸرتالاستا كوميسسييا مٷشەلەرٸ "اتا زاڭعا ەنگٸزٸلەتٸن ٶزگەرٸستەر اۋقىمىنا قاراساق, جاڭا كونستيتۋتسييا قابىلداۋىمىز كەرەك" دەگەن بايلام جاسادى. شىن مەنٸندە, ۇسىنىلعان تٷزەتۋلەر جوباسى ەلدٸ ينستيتۋتسيونالدىق-قۇقىقتىق تۇرعىدا جاڭعىرتۋمەن عانا شەكتەلمەيدٸ. سونىمەن بٸرگە بۇل قادام تۇتاس مەملەكەتتٸك جٷيەنٸ قايتا تٷزۋگە جول اشادى. تٷبٸرٸمەن ٶزگەرگەن مٷلدەم جاڭا قۇجاتتىڭ بەينەسٸ قالىپتاستى. اتا زاڭىمىزدا جارقىن بولاشاققا نىق قادام باسقان بٷگٸنگٸ قازاقستاننىڭ تۇعىرى ەبدەن بەكٸگەن مەملەكەت رەتٸندەگٸ يدەالدارى, قاعيداتتارى مەن باسىمدىقتارى كٶرٸنٸس تابادى. ەرينە, قولدانىستاعى اتا زاڭ قازاقستاننىڭ تەۋەلسٸز مەملەكەت رەتٸندە دامۋىنا ەلەۋلٸ ٷلەس قوستى. مۇنى ەشكٸم جوققا شىعارمايدى. سوندىقتان بىلتىرعى 30 تامىزدا كونستيتۋتسييانىڭ 30 جىلدىعىن كەڭٸنەن اتاپ ٶتتٸك", - دەدٸ پرەزيدەنت.
