Prezident Qasym-Jomart Toqaev aýyl sharýashylyǵy salasynda jeńildetilgen kreditterge bólinetin qarjyny arttyrýǵa tapsyrma berdi, dep habarlaidy Dalanews.kz.
Toqaev aýyl sharýashylyǵyna bólinetin qarjyny eki ese arttyrý qajet ekenin alǵa tartty. Onyń aitýynsha, buǵan biýdjetten ǵana emes, ekinshi deńgeidegi bankterden de qarajat tartqan jón.
"Kóktemdegi egis naýqanyna jáne kúzgi jiyn-teringe jeńildikpen beriletin nesieni 1,5 trillion teńgege deiin arttyrý kerek. Al investitsiialyq jobalarǵa bólinetin jeńildetilgen nesieni 800 milliard teńgege jetkizý qajet. Jeńildikpen lizing berýge jyl saiyn keminde 450 milliard teńge bólinýge tiis", - dedi Toqaev úkimettiń keńeitilgen otyrysynda.
Toqaevtyń pikirinshe, osy sharalardyń arqasynda jyl saiyn aýyl sharýashylyǵy tehnikasynyń 10 paiyzyn jańartyp, ónimdilikti 2 ese arttyrýǵa bolady.
