Memleket basshysy Qyrǵyzstan prezidentimen telefon arqyly sóilesti, dep habarlaidy Dalanews.kz.
Qazaqstan Prezidenti qazaq-qyrǵyz qarym-qatynasynyń oń dinamikasyna toqtalyp, oǵan turaqty saiasi dialog, eki el úkimetteri men isker toptary arasyndaǵy belsendi yqpaldastyq septigin tigizip otyrǵanyn atap ótti.
Baýyrlas elderdiń kóshbasshylary saýda-ekonomika, kólik-logistika jáne sý-energetika salalaryndaǵy yntymaqtastyq qarqyndy túrde damyp kele jatqanyna nazar aýdardy.
Prezidentter dostyq, strategiialyq seriktestik pen odaqtastyq rýhyndaǵy memleketaralyq bailanystardy odan ári keńeitýge beiil ekenin rastady.
Qasym-Jomart Toqaev Sadyr Japarovqa elimizde Konstitýtsiialyq reforma júrgizilip jatqanyn aitty. Bul jańǵyrtý memlekettiń qaryshtap órkendeýine negiz qalaidy. Qyrǵyzstan prezidenti Qazaqstandaǵy aýqymdy ózgeristerdi qoldaitynyn málimdedi.
Memleketter basshylary óńirlik yntymaqtastyq máseleleri jóninde ortaq pikirde ekenin jetkizdi.
Qazaqstan Prezidenti Bishkekte ShYU sammiti men Dúniejúzilik kóshpendiler oiyndary sekildi mańyzdy halyqaralyq is-sharalar tabysty ótýine tilektestik bildirdi.
Qasym-Jomart Toqaev Sadyr Japarovtyń el birligin saqtaýǵa, qyrǵyz memlekettiligin nyǵaitýǵa baǵyttalǵan sheshimderin qýattady.
