Qasym-Jomart Toqaev onlaiyn otyrysta koronavirýspen kúres máselesin jáne odan keiin shekteýlerdi alyp tastaý kezinde kólik biliginiń, sanitarlyq qyzmetterdiń, shekaralyq vedomstvolardyń úilesimdi jumysyn qamtamasyz etýdiń mańyzyna toqtaldy.
– Ózara taýar ainalymy kóleminiń saqtalyp, arta túsýin qamtamasyz etýge járdemdesý, onyń nomenklatýrasy men balansynyń ártaraptandyrylýyn qamtamasyz etý mańyzdy. Indet kezinde týyndaǵan barlyq shekteýler men kedergilerdi kezeń-kezeńimen alyp tastaý jospary qajet. Bizdiń densaýlyq saqtaý, sanitarlyq-veterinarlyq jáne baqylaýdyń basqa da salalaryndaǵy vedomstvolarymyz daǵdarystan sabaq alyp, bir jaǵynan azamattarymyzdyń qaýipsizdigin, ekinshi jaǵynan taýarlardyń kedergisiz qozǵalysyn qamtamasyz etetin ózara is-qimyldyń laiyqty tetikterin usynýy tiis, – dedi Qazaqstan Prezidenti.
Sonymen berge Qazaqstan Prezidenti Eýraziialyq ekonomikalyq odaqtyń kiriktirilgen aqparattyq júiesin iske qosý jumysyn jandandyrý qajet ekenin de alǵa tartty. Bul týraly shaǵyn quramdaǵy onlain otyrysta Qasym-Jomart Toqaev 2015 jyldan beri ortalyqqa 88 protsestiń tek 19-y nemese 21 paiyzy ǵana engizilgenin aitty.
– Tsifrlandyrý – elderimizdiń memlekettik organdarynyń ózara is-qimylynyń basty aspektisi, biznes-protsesterdi jeńildetýge, ózara taýar ainalymyn arttyrýǵa, bizneske ákimshilik júktemelerdi tómendetýge septigin tigizedi, – dedi Qasym-Jomart Toqaev.
Qazaqstan Prezidenti Qasym-Jomart Toqaev Eýraziialyq ekonomikalyq komissiianyń ókilettigin keńeitý máselesi muqiiattylyqty qajet etetinin málimdedi.
– Qyzmetterdiń saýdasy boiynsha EAEO-ǵa múshe memleketterdiń úshinshi eldermen ekijaqty kelissózderine Eýraziialyq ekonomikalyq komissiiany qatystyrýǵa quqyq berý týraly EEK-tiń ókilettigin keńeitý máselesi – muqiiattylyqty qajet etedi, – dedi Prezident. Memleket basshysy bul másele qosymsha zertteýdi talap etetinin aityp ótti.
– Shyn máninde, munyń is júzine qalai iske asyrylatynyn elestetý qiyn: ekijaqty kelissózderge komissiia ókili qatysyp otyrady. Qyzmetterdi saýdalaý salasynda investitsiialar – ulttyq quzirettilikke jatady. Sebebi ol basqa elderdiń múddelerine qaishy kelmeidi. Tiisinshe, bul jumysqa komissiianyń adami jáne qarjylyq resýrstaryn tartý – ashyǵyn aitqanda bizge túsiniksiz. Eger taraptar úshinshi eldermen kelisimnen keiin EEK-ke aqparat berse, jekelegen jaǵdailarda kelissózderge daiyndyq jumystaryna konsýltatsiialyq keńes surasa, kelissózge qajetti aqparatpen, tájiribemen almassa – másele basqa, – dedi Q.Toqaev.
– Búkil álemde daǵdarys jaǵdaiynda satyp alýshy suranysy tómendep, kásiporyndar jabylady, tarihi kólik bailanystary úziledi. Mundai kezde kólik-logistikalyq qyzmetterdi damytý qajet. Elderimiz geografiialyq turǵyda ońtaily ornalasqan. Alaida, qolda bar áleýet áli júzege asyrylǵan joq. Bul jumystar aiasynda biz ultústilik taýar ótkizý júiesin qurýǵa kirisip kettik. 2020 jylǵa qarai ol 24 kóterme-taratý ortalyǵynan turatyn bolady, – dedi QR Prezidenti.
Memleket basshysynyń aitýynsha, bul shamamen 5 mln tonna agroónimdi saqtaýǵa, óńdeýge jáne taratýǵa múmkindik beredi. «Odaqtyń múddelik tanytatyn elderine taýar taratýdyń ortaq jelisin qurý múmkinshiligin qarastyrýdy usynamyn. Sonymen qatar Odaǵymyzǵa múshe memleketterge bul bastamaǵa investorlar, merdigerler, paidalanýshylar retinde belsendi qatysýdy usynamyn», – dedi Qasym-Jomart Toqaev.
Joǵarǵy Eýraziialyq ekonomikalyq keńestiń shaǵyn quramdaǵy onlain otyrysynda Qazaqstan Prezidenti Qasym-Jomart Toqaev EAEO-nyń shyǵyny kóp keibir sheshimderin keiinirek oryndaýdy usyndy.
– Búginde elderimizdiń biznesi óte kúrdeli jaǵdaiǵa tap bolyp otyr. Óndiristi damytý jospary, jetkizý tizbegi buzylyp, kreditorlyq bereshek ósip ketti. Is júzinde barlyq resýrs jumysty turaqtandyrýǵa, jumys oryndaryn saqtaýǵa jumyldyrylǵan. Sondyqtan, Odaq organdarynyń barynsha shyǵyndy jekelegen sheshimderin oryndaý aqylǵa qonymdy bolmaq emes. Qalai desek, Uiymymyzdyń qazirgi damý kezeńinde. Mundai sheshimge mindetti tańbalaýdy engizý josparyn jatqyzýǵa bolady. Biraq, bul máseleni komissiia aiasynda Úkimet qaraýy tiis, – dedi Qazaqstan Prezidenti.
Memleket basshysy qazirden bastap daǵdarystan keiingi kezeńge daiyndalý qajettigin basa aitty. «Qazaqstan Úkimeti daǵdarysqa qarsy jospar ázirledi. Dál osyndai jumys ózge de elderde júrgizilgenine senimdimin. Sondyqtan syrtqy syn-tegeýrinderge jaýap qaitarý jáne daǵdyrstan keiingi kezeńde ekonomikany damytý sharalaryn talqylaý úshin elderimizdiń qarjy-ekonomikalyq blok ministrlikteri basshylarynyń, tolyqtai alǵanda Úkimet alańyn quryp, belsendi paidalanýdy usynamyn», - dedi Qasym-Jomart Toqaev.
