Qazaqstan Prezidenti Qasym-Jomart Toqaev eks-prezidenttiń jeke ómiri men densaýlyǵyna bailanysty aqparattardy memlekettik qupiia dep tanýdy qarastyratyn zańǵa qol qoidy, dep habarlaidy Dalanews.kz.
Aqorda málimetinshe, memleket basshysy “Qazaqstan Respýblikasynyń keibir zańnamalyq aktilerine Memlekettik bilim berý jinaqtaý júiesi, aqparat, qoǵamdyq damý, mádeniet jáne arhiv isi salalarynda artyq zańnamalyq reglamentteýdi bolǵyzbaý máseleleri boiynsha ózgerister men tolyqtyrýlar engizý týraly” Zańdy bekitti.
Túzetýlerdiń birinshi blogy memleketten bastapqy bilim berý kapitaly, jyl saiyn tólenetin memlekettik syilyqaqy jáne investitsiialyq tabys qarastyrylǵan, sondai-aq bes jastan asqan balalardy qamtityn “Keleshek” biryńǵai erikti jinaqtaý júiesin engizý maqsatynda ázirlengen.
Birjolǵy bastapqy bilim berý kapitaly 2025 jyly jáne odan keiingi jyldary 5 jasqa tolatyn balalarǵa tólenedi. Onyń mólsheri Ǵylym jáne joǵary bilim ministrligi bekitetin bastapqy bilim berý kapitalyn esepteý, paidalaný jáne qaitarý qaǵidalaryna sai esepteledi.
“Keleshek” júiesi jyl saiyn 5% memlekettik syilyqaqy, al halyqtyń áleýmettik osal toptarynyń balalary úshin 7% memlekettik syilyqaqy kózdelgen qoldanystaǵy Memlekettik bilim berý jinaqtaý júiesimen birge balańyzdyń bolashaǵy úshin qarajat jinaýǵa múmkindik beredi. Iaǵni qarjyny tehnikalyq jáne kásiptik bilim alýǵa, orta mektep bitirgennen keiin joǵary bilim alýǵa jáne joǵary oqý ornynan keiin bilimin jetildirýge, sondai-aq turǵyn úi jaǵdaiyn jaqsartýǵa jumsaýǵa bolady.
Túzetýlerdiń ekinshi blogy kreativti indýstriiany qoldaý, sonyń ishinde ár oblys ortalyǵynda jáne iri qalalarda kreativti indýstriia ortalyqtaryn qalyptastyrý, qatysýshylarǵa óz ónimderin kommertsiialandyrý turǵysynan kómektesý sharalaryn qamtidy.
Budan bólek, kreativti indýstriiany damytýǵa yqpal etetin arnaiy zańdy tulǵa (“Kreativti indýstriialardy qoldaý qory”) qyzmet kórsetedi. Qor talanttardy izdep, olardy nasihattaýmen, kreativti jobalar men qyzmetterdi kommertsiialandyrý isine kómektesýmen, sondai-aq olardy álem naryqtarynda ilgeriletýmen ainalysady.
Sonymen qatar Ýákiletti organǵa (Mádeniet jáne aqparat ministrligi) kreativti indýstriiaǵa memlekettik qoldaý kórsetý, yntalandyrý qaǵidalaryn ázirleý jáne bekitý quzyreti beriledi. Al oblystyń, respýblikalyq mańyzy bar qalalar men astananyń jergilikti atqarýshy organdary kreativti indýstriia salasyndaǵy memlekettik saiasatty iske asyrady.
Zańnyń mátini baspasózde jariialanady.
