Memleket basshysy biýdjetti josparlaý máseleleri boiynsha jiyn ótkizdi, dep habarlaidy Dalanews.kz.
Aqordada Prezident Qasym-Jomart Toqaevtyń tóraǵalyǵymen ulttyq ekonomika jáne biýdjetti josparlaý máseleleri jónindegi jiyn ótti.
Is-sharaǵa Premer-ministr Oljas Bektenov, Prezident Ákimshiliginiń basshysy Aibek Dádebai, Ulttyq bank tóraǵasy Timýr Súleimenov, Joǵary aýditorlyq palata tóraǵasy Álihan Smaiylov, Premer-ministrdiń orynbasary – Ulttyq ekonomika ministri Serik Jumanǵarin jáne basqa da laýazymdy tulǵalar qatysty.
Ulttyq ekonomikanyń qazirgi jai-kúii men damý perspektivasy, sondai-aq 2026-2028 jyldarǵa arnalǵan respýblikalyq biýdjettiń parametrleri týraly baiandamalar jasaldy.
Talqylaý barysynda Memleket basshysy respýblikalyq jáne jergilikti deńgeide qarjyny tiimdi josparlaý men bólýdiń mańyzy zor ekenin atap ótti.
Prezident biýdjettiń teńgerimdiligin qamtamasyz etýge, barlyq áleýmettik mindettemeler men óńirlerdiń uzaqmerzimdi josparlaryn qarjylandyrýǵa, sonymen qatar qarajatty maqsatqa sai bólýge jáne igerýge basa nazar aýdarý qajet dep sanaidy.
