Astanada alǵash ret ótip jatqan halyqaralyq «Bolashaqtyń oiyndary – 2026» týrniriniń ashylý rásimine Prezident Qasym-Jomart Toqaev qatysyp, jarystyń resmi túrde bastalǵanyn jariialady, dep habarlaidy dalanews.kz.
Biylǵy týrnir 29 shilde men 9 tamyz aralyǵynda ótedi. Oǵan 34 elden 800-den astam sportshy qatysyp, fidjital-fýtbol, fidjital-basketbol, fidjital-jekpe-jek, Counter-Strike 2, Dota 2 jáne basqa da tsifrlyq ári dástúrli sport túrlerinde baq synaidy.
Saltanatty ashylý rásiminde sóz sóilegen Memleket basshysy Qazaqstannyń mundai aýqymdy halyqaralyq jarysty qabyldaýy el úshin tarihi oqiǵa ekenin atap ótti.
«Bolashaqtyń oiyndary – tehnologiia men sportty biriktiretin jańa dáýirdiń simvoly. Bul týrnir jastardy biriktirip, innovatsiiany damytýǵa jol ashady», – dedi Qasym-Jomart Toqaev.
Prezidenttiń aitýynsha, fidjital sport dene daiyndyǵy men tsifrlyq tehnologiialardy ushtastyratyn jańa baǵyt retinde álemde qarqyndy damyp keledi. Sondyqtan Qazaqstan bul qozǵalystyń belsendi qatysýshysy bolyp, zamanaýi sport infraqurylymy men jastardyń áleýetin damytýǵa erekshe kóńil bóledi.
Toqaev jarysqa qatysýshylarǵa sáttilik tilep, týrnirdiń halyqtar arasyndaǵy dostyqty nyǵaitýǵa jáne halyqaralyq yntymaqtastyqty damytýǵa úles qosatynyna senim bildirdi. Keiin Memleket basshysy «Bolashaqtyń oiyndary – 2026» halyqaralyq týrnirin ashyq dep jariialady.
Ashylý rásimine Ózbekstan prezidenti Shavkat Mirziioev, Qyrǵyzstan prezidenti Sadyr Japarov jáne Tájikstan prezidenti Emomali Rahmon da qatysty.
