Memleket basshysy Resei prezidentimen kezdesti, dep habarlaidy dalanews.kz.
ShYU mereitoilyq sammiti aiasynda Prezident Qasym-Jomart Toqaev pen Resei Federatsiiasynyń prezidenti Vladimir Pýtinniń kezdesýi ótti. Taraptar Qazaqstan men Resei arasyndaǵy dostyq, tatý kórshilik jáne odaqtastyq rýhynda damyp kele jatqan san qyrly yntymaqtastyq qarqyndy sipat alǵanyna nazar aýdardy.
Vladimir Pýtin Memleket basshysyn Quryltai sailaýy tabysty ótýimen quttyqtady. Onyń aitýynsha, daýys berý nátijesi Qasym-Jomart Toqaevtyń Qazaqstandy odan ári damytýǵa, ishki saiasi turaqtylyqty nyǵaitýǵa, ekonomikany ilgeriletýge jáne halyqtyń turmys sapasyn arttyrýǵa bailanysty kóptegen máseleni sheshýge baǵyttalǵan strategiialyq baǵdary keńinen qoldaý tapqanyn rastaidy.
Qazaqstan Prezidenti quttyqtaýy úshin Resei basshysyna rizashylyǵyn bildirip, konstitýtsiialyq reforma aiasynda júrgizilip jatqan jumystar jóninde áńgimeledi.
"Qazaqstandy jańǵyrtý úderisi ulttyq múddemizge sai jalǵasa beredi. Aty bar, zaty joq reformalar júrgizýge múldem bolmaidy. Biz muny jaqsy túsinemiz. Eń aldymen, halqymyzdyń keleshegin oilaýymyz qajet. Ekijaqty yntymaqtastyqqa keler bolsaq, Sizdiń mamyr aiynda Astanaǵa jasaǵan memlekettik saparyńyz tabysty ótti. Ári sipaty jaǵynan tarihi sapar boldy dep sanaimyn. Qazir Úkimet qol qoiylǵan barlyq kelisimdi iske asyrýǵa kiristi. Ózińiz atap ótkendei, saýda-sattyq tez damyp keledi. Ótken jylmen salystyrǵanda ósim baiqalady. Resei bizdiń basty investitsiialyq jáne saýda seriktesimiz bolyp qala beredi dep oilaimyn. Bul úderisti barynsha qoldaimyn", – dedi Qasym-Jomart Toqaev.
Vladimir Pýtin ekijaqty qarym-qatynas barlyq baǵytta qarqyndy ilgerilep kele jatqanyn joǵary baǵalady.
"Byltyr elderimiz arasyndaǵy taýar ainalymynyń kórsetkishteri oidaǵydai boldy. Biyl da ósim baiqalady. Kóptegen másele boiynsha birge jumys istep kelemiz. Kún tártibinde iri jobalar da, aǵymdaǵy máseleler de bar. Úkimetaralyq komissiia belsendi jumys isteýde. Ózara ýaǵdalastyqtardy buljytpai oryndaǵany úshin olarǵa alǵys aitýymyz kerek. Ásirese, gýmanitarlyq saladaǵy bailanystarymyzdyń jandana túskeni qýantady. Qazaqstandyq 60 myń stýdent Resei joǵary oqý oryndarynda bilim alyp júr. Jýyrda ǵana Omby qalasynda Qazaqstannyń mańdaialdy oqý ornynyń filialy ashyldy. Iaǵni barlyq másele boiynsha ózara túsinistik ornaǵan. Búgin osy taqyrypty egjei-tegjeili talqylaýǵa múmkindik týyp otyr", – dedi Resei prezidenti.
Memleketter basshylary saýda-ekonomikalyq, investitsiialyq yntymaqtastyqty nyǵaitý perspektivasyn, sondai-aq, ózara múddege sai keletin salalarda birlesken jobalardy iske asyrý máselesin talqylady. Halyqaralyq jáne óńirlik kún tártibindegi ózekti máseleler jóninde pikir almasty.
