Qasym-Jomart Toqaev birqatar memlekettiń elshilerinen senim gramotalaryn qabyldady, dep habarlaıdy Dalanews.kz.

Aqordada Qazaqstan Prezıdentine eki memlekettiń tótenshe jáne ókiletti elshileriniń senim gramotalaryn tapsyrý rásimi ótti.

Senim gramotalaryn Grek Respýblıkasynyń elshisi Antonıa Kasýrý men Portýgalıa Respýblıkasynyń elshisi Joze de Kashtrý Ataıde Amaral tapsyrdy.

Memleket basshysy Qazaqstan beıbit syrtqy saıasat júrgizetinin atap ótti.

Prezıdenttiń aıtýynsha, qazir álemde oryn alǵan barlyq problema tek beıbit jolmen, ıaǵnı dıplomatıalyq arnalar men quraldar arqyly sheshilýge tıis.

Qasym-Jomart Toqaev Grekıa jáne Portýgalıa elderiniń basshylary men premer-mınıstrlerine ystyq yqylasyn joldap, olardy Astanaǵa saparmen kelýge shaqyrdy.

İs-shara sońynda Memleket basshysy elshilerdi Qazaqstandaǵy dıplomatıalyq mısıalarynyń resmı túrde bastalýymen quttyqtap, Prezıdent Ákimshiligi men Syrtqy ister mınıstrligi olarǵa jan-jaqty qoldaý kórsetýge daıyn ekenin rastady.