Berik Ábdiǵaliuly Ulytaý oblysynyń ákimi qyzmetinen ketti, - dep habarlaidy Dalanews.kz.
Memleket basshysynyń Jarlyǵymen Berik Ábdiǵaliuly Ulytaý oblysynyń ákimi laýazymynan bosatyldy.
Biyl naýryzda derekkózder Qaraǵandy oblysynyń ákimi Ermaǵanbet Bólekbaev pen Ulytaý oblysynyń ákimi Berik Ábdiǵaliulynyń taǵdyry qyzý talqylanyp jatqanyn jetkizgen bolatyn.
Derekkóz Ulytaý oblysynyń basshysy bolyp Berik Ábdiǵaliuly kelgeli oblysta jemqorlyqqa qatysty daý kóbeigenin aitady.
«Basynda Sátbaev ákimi ustaldy, keiinnen oblystyq mádeniet basqarmasynyń basshysy da ustaldy. Qazirgi zańnama boiynsha ol (Berik Ábdiǵaliuly) otstavkaǵa ketýi kerek. Ulytaý oblysynda da júieli túrde biýdjettiń igerilmeýimen bailanysty problemalar bolyp turady: aimaq jeke investorlardy bylai qoiǵanda biýdjet qarajytynyń ózimen damymai otyr».
Derekkóz málimetinshe, eki ákimge de jaǵdaidy túzeýge múmkindik berilgenimen olar ony paidalanbaǵan. Sondyqtan aldaǵy ýaqytta kadrlyq aýys-túiis bolýy múmkin.
