Qasym-Jomart Toqaev premer-ministr Oljas Bektenovti qabyldady, dep habarlaidy Dalanews.kz.
Memleket basshysyna elimizdiń áleýmettik-ekonomikalyq damýy jáne Úkimet qyzmetiniń tiimdiligin arttyrý jóninde baiandaldy.
Prezidentke ekonomikany ártaraptandyrý men naqty sektordaǵy aýqymdy baǵdarlamalardy qoldaý arqyly yntalandyrýǵa jáne infraqurylymdy jańǵyrtýǵa qatysty buǵan deiin bergen tapsyrmalarynyń oryndalý barysy tanystyryldy.
Sondai-aq premer-ministr jylytý maýsymyn ótkerý, kóktemgi egis jumystaryna jáne sý tasqynyna qarsy daiyndyq sharalary týraly aitty.
Budan bólek, Qasym-Jomart Toqaevqa biznesti damytý jáne jeke investitsiia tartý úshin basqarýdyń zamanaýi tsifrlyq tásilderin engizý baǵytyndaǵy Úkimet jumysy jóninde aqparat berildi.
Kezdesý sońynda Prezident Premer-Ministrge ekonomikanyń qarqyndy ósimin jáne ártaraptandyrýdy qamtamasyz etý jumystaryn jandandyrýdy tapsyrdy.
Infraqurylymdy jetildirýge, energetika men kommýnaldyq sharýashylyqty jańǵyrtýǵa qatysty mindetterdi iske asyrý maqsatynda júieli sharalar qabyldaýdyń mańyzyn atap ótti.
