Arman Qyryqbaev jańa qyzmetke taǵaiyndaldy, dep habarlaidy Dalanews.kz.
"Memleket basshysynyń Jarlyǵymen Arman Orazbaiuly Qyryqbaev Qazaqstan Respýblikasy Prezidentiniń ishki saiasat máseleleri jáne kommýnikatsiialar jónindegi kómekshisi bolyp taǵaiyndaldy, ol burynǵy atqarǵan laýazymynan bosatyldy", delingen Aqorda habarlamasynda.
Arman Qyryqbaev 1976 jyly 20 qazanda Tselinograd qalasynda dúniege kelgen. Qazaq memlekettik basqarý akademiiasynyń, sondai-aq Qazaqstan Respýblikasy Syrtqy ister ministrliginiń Diplomatiialyq Akademiiasynyń túlegi bolyp tabylady. Mamandyǵy boiynsha halyqaralyq ekonomist. Memlekettik qyzmette, mádeniet jáne jastar saiasaty salasynda 28 jyldan astam jalpy eńbek ótili bar.
Eńbek jolyn 1996 jyly Qazaqstan Respýblikasy Syrtqy ister ministrliginiń referenti, attashesi bolyp bastaǵan. 1997-1999 jyldary - Qazaqstan Respýblikasynyń Ózbekstandaǵy elshiliginiń attashesi, 1999-2000 jyldary-Qazaqstan Respýblikasy Syrtqy ister ministrliginiń úshinshi hatshysy, keiin Qazaqstan Respýblikasy Syrtqy ister ministrligi TMD isteri komitetiniń ekinshi hatshysy. 2002-2004 jyldary – «ABE korporatsiiasy» JAQ Strategiia jáne marketing departamentiniń direktory, 2004-2005 jyldary – «K-MART» JShS Bas direktory.
2005 jyly Medeý aýdany ákiminiń orynbasary, 2005 jyldan 2006 jylǵa deiin Almaty qalasy jastar saiasatyn damytý memlekettik qorynyń direktory, 2006 jyldyń sáýirinen 2008 jyldyń aqpanyna deiin Qazaqstan Respýblikasy Mádeniet jáne aqparat ministrligi Qoǵamdyq-saiasi jumys jáne jurtshylyqpen bailanys departamentiniń direktory qyzmetterin atqarǵan.
2010 jyldyń qańtarynan 2012 jyldyń aqpanyna deiin Qazaqstan Respýblikasy Mádeniet jáne aqparat Ministrligi Mádeniet komitetiniń tóraǵasy, Qaraǵandy oblysy ákiminiń orynbasary qyzmetterin atqardy.
Arman Qyryqbaev 2012-2014 jyldary Qazaqstan Respýblikasynyń Mádeniet jáne aqparat vitse-ministri laýazymynda boldy. 2014-2015 jyldary Nur Otan partiiasy tóraǵasy birinshi orynbasarynyń keńesshisi bolǵan. Sondai-aq, 2015 jyldyń qazanynan 2019 jyldyń shildesine deiin Almaty qalasy ákiminiń ishki saiasat, densaýlyq saqtaý, bilim berý, mádeniet, jastar saiasaty, tilderdi damytý jáne basqa da máseleler jónindegi orynbasary qyzmetin atqardy. Sońǵy atqarǵan qyzmeti – Almaty qalasy ákiminiń orynbasary.
