Prezıdent Qasym-Jomart Toqaev UQSHU Parlamenttik Assambleıasy keńesiniń otyrysyna qatysý úshin Almatyǵa kelgen UQSHU-ǵa múshe memleketterdiń spıkerlerimen kezdesti, - dep habarlaıdy Dalanews.kz Ujymdyq qaýipsizdik týraly shart uıymynyń (UQSHU) resmı arnasyna siltep.
Kezdesýde UQSHU-nyń jaı-kúıi men damý perspektıvalary talqylandy.
Qazaqstan Prezıdenti UQSHU Parlamenttik Assambleıasynyń qyzmetin joǵary baǵalap, Assambleıa qabyldaǵan modeldik aktiler Ujymdyq qaýipsizdik týraly shart uıymyn nyǵaıtýdaǵy mańyzdy quramdas bólik ekenin aıtty.
Búgin tańerteń UQSHU elderiniń parlamenttik delegasıalarynyń basshylary Almatydaǵy 28 panfılovshylar saıabaǵyndaǵy máńgilik alaýǵa gúl shoqtaryn qoıdy.
Saltanatty rásimge RF Memlekettik dýmasynyń tóraǵasy Vácheslav Volodın, Belarýs Respýblıkasy Ulttyq jınalysynyń ókilder palatasynyń tóraǵasy Igor Sergeenko, Qazaqstan Respýblıkasy Parlamenti Májilisiniń tóraǵasy Erlan Qoshanov, Qyrǵyz Respýblıkasy Joǵarǵy Keńesiniń tóraǵasy Nurlanbek Shakıev jáne Tájikstan Respýblıkasynan Emomalı Rýstamı qatysty. Saltanatty rásimge general Ivan Panfılovtyń nemeresi Alýa Baıqadamova da qatysty.
