پرەزيدەنت قاسىم-جومارت توقايەۆ ۇقشۇ پارلامەنتتىك اسسامبلەياسى كەڭەسىنىڭ وتىرىسىنا قاتىسۋ ءۇشىن الماتىعا كەلگەن ۇقشۇ-عا مۇشە مەملەكەتتەردىڭ سپيكەرلەرىمەن كەزدەستى، - دەپ حابارلايدى Dalanews.kz ۇجىمدىق قاۋىپسىزدىك تۋرالى شارت ۇيىمىنىڭ (ۇقشۇ) رەسمي ارناسىنا سىلتەپ.
كەزدەسۋدە ۇقشۇ-نىڭ جاي-كۇيى مەن دامۋ پەرسپەكتيۆالارى تالقىلاندى.
قازاقستان پرەزيدەنتى ۇقشۇ پارلامەنتتىك اسسامبلەياسىنىڭ قىزمەتىن جوعارى باعالاپ، اسسامبلەيا قابىلداعان مودەلدىك اكتىلەر ۇجىمدىق قاۋىپسىزدىك تۋرالى شارت ۇيىمىن نىعايتۋداعى ماڭىزدى قۇرامداس بولىك ەكەنىن ايتتى.
بۇگىن تاڭەرتەڭ ۇقشۇ ەلدەرىنىڭ پارلامەنتتىك دەلەگاسيالارىنىڭ باسشىلارى الماتىداعى 28 پانفيلوۆشىلار ساياباعىنداعى ماڭگىلىك الاۋعا گۇل شوقتارىن قويدى.
سالتاناتتى راسىمگە رف مەملەكەتتىك دۋماسىنىڭ ءتوراعاسى ۆياچەسلاۆ ۆولودين، بەلارۋس رەسپۋبليكاسى ۇلتتىق جينالىسىنىڭ وكىلدەر پالاتاسىنىڭ ءتوراعاسى يگور سەرگەەنكو، قازاقستان رەسپۋبليكاسى پارلامەنتى ءماجىلىسىنىڭ ءتوراعاسى ەرلان قوشانوۆ، قىرعىز رەسپۋبليكاسى جوعارعى كەڭەسىنىڭ ءتوراعاسى نۇرلانبەك شاكييەۆ جانە تاجىكستان رەسپۋبليكاسىنان ەمومالي رۋستامي قاتىستى. سالتاناتتى راسىمگە گەنەرال يۆان پانفيلوۆتىڭ نەمەرەسى الۋا بايقاداموۆا دا قاتىستى.
