Prezident sózinde qalada páterlerdiń baǵasy tym joǵary ekenin atap ótken.
"Árine, eńbek jolyn endi ǵana bastaǵan jastar birden páter satyp ala almaityny túsinikti. Biraq, solai eken dep esh qareketsiz qol qýsyryp otyrýǵa bolmaidy. Jastardyń baspana alýyna jan-jaqty jaǵdai jasaý kerek. Bul – memlekettiń basty mindetiniń biri", - dedi Toqaev.
Memleket basshysy ákimdikke jalǵa beriletin turǵyn-úi salý úshin investorlarǵa tartymdy bolatyn tiimdi tásilder oilastyrýdy tapsyrdy. Alaida ol jaldamaly úiler tym qymbatqa túspeýi qajet ekenin basa aitty.
"Ondai páterler, eń aldymen, qoljetimdi bolýǵa tiis. Jalpy, Almaty jastary úshin baspanaly bolý qol jetpes arman bolmaýy kerek. Basynda baspanasy bar jastardyń erteńgi kúnge degen senimi artady.
Qalada turǵyn-úi tapshylyǵyn azaitý – asa mańyzdy mindet. Kelesi jyldan bastap turǵyn-úi qurylysyn jyl saiyn 10 paiyzǵa arttyrý qajet.
Árine, Almatyda bos jer az. Bul jaǵdai qurylystyń qarqynyn kúsheitýge kedergi keltirýi múmkin. Sol sebepti, jańa jerlerdi igerý kerek. Qalada 1500-ge jýyq eski úi bar. Shaǵyn aýdandarda turǵan mundai úilerge kúrdeli jóndeý júrgizgen jón. Al, jańǵyrtýǵa kelmeitinderin súrip tastaý qajet", - dedi Toqaev.
Prezident ákimdikke osy sharýany kezeń-kezeńimen júzege asyrý úshin naqty jospar ázirleýdi tapsyrdy. Sondai-aq ol jańǵyrtý jumystarynyń turǵyndarǵa qolaisyzdyq týdyrmaý qajet ekenin eske saldy.
