Tólegen Telǵaraev: "Qazyǵurtta 12 jańa balabaqsha ashylady"
Bilim – ǵylymnyń irgetasy jəne memleket damýynyń altyn arqaýy ekenin aitqan aýdan ákimi Prezidentimiz óz Joldaýynda bilim berý salasyna airyqsha toqtalyp, adami kapital sapasyn jaqsartý qajettigin aitty dedi.
– Osy rette, aýdandaǵy apatty jáne apat aldyndaǵy mektepterdi joiý, bilim mekemeleriniń materialdyq-tehnikalyq bazasyn nyǵaitýǵa basa nazar aýdarylýda. Apatty jáne apat aldyndaǵy 26 mektepten 2015-2017 jyldary 17 mektep, 2018-2020 jyldary 9 mekteptiń qurylysyn salý josparlanýda. Osylaisha, 2020 jyly apatty mektepter máselesi tolyǵymen sheshiledi, – dedi ákim.
Onyń aitýynsha, aýdanda ulttyq qor esebinen 300 oryndyq 5 mektep, al jergilikti biýdjetten 100 oryndyq 3 mektep salynyp jatyr. Sonymen qatar, 2017 jyldyń maýsym aiyna deiin memlekettik-jekemenshik áriptestik aiasynda 12 jańa balabaqsha ashylyp, osynyń nátijesinde 1455 bala balabaqshamen qamtylmaq.
Sonymen qatar, ol biylǵy jyly 11 synypty bitirýshi 1640 oqýshydan 1156 oqýshy (70%) UBT-ke qatysýǵa ótinish bergenin aitty. Al balalardy jazǵy demalyspen jáne saýyqtyrýmen qamtý maqsatynda 4 demalys lagerinde 3656 oqýshy demalady.
Sondai-aq, aýdan basshysy osy jyly Qaqpaq aýyldyq okrýginde memlekettik-jekemenshik áriptestik aiasynda 300 oryndyq zamanaýi lager qurylysy jeke kásipker arqyly júzege asyrylatynyn jetkizdi.
OQO ákiminiń baspasóz qyzmeti
