Balyq sharýashylyǵyn damytý Memleket basshysynyń alǵa qoiǵan mańyzdy mindetteriniń biri. Osyǵan orai, Tólebi aýdanynyń aýdan ákimi Erkeǵali Álimqulov Kielitas aýyldyq okrýgindegi «Fish House» JShS-na arnaiy baryp, balyq sharýashylyǵyn qolǵa alǵan seriktestik jumysymen tanysty. Jeke kásipker Nurtas Shaǵyrov aýdan ákimine balyq shabaqtary jiberilgen arnaiy basseinderdi kórsetip, aldaǵy jumys josparymen bólisti,- dep habarlaidy Dalanews.kz
️
Kásipker balyqtyń sazan jáne forel túrin ýyldyryq arqyly kóbeitip, arnaiy jasalǵan toǵandarda bekire balyǵyn ósirýdi qolǵa alǵan. Investitsiia quny – 400 mln teńge. Arnaiy jasalǵan basseinderge 15 tonna sazan shabaǵy, 60 tonna forel, 3 tonna bekire tuqymdas balyǵyn jibergen. Kásipker búgingi tańda 50 aýyl turǵynyn ýaqytsha jumys ornymen qamtyp otyr. Aldaǵy ýaqytta 30 adamdy turaqty jumysqa tartý kózdelgen. Sonymen qatar, qojalyq iesi óz qarjysy esebinen jol boiyna zamanýi balalar oiyn alańshasyn salyp, halyqqa paidalanýǵa berýdi josparlaýda.
Kásipker forel balyǵyn salqyn kezde arnaiy orynda ósirip, kúz mezgilinde ashyq basseinge jiberetinin aitty. Buǵan qosa, aýdanǵa kelýshi týristerge balyqtyń birneshe túrin usynyp, etno stilde dámhana ǵimaratynyń qurylysyn júrgizetinin jetkizdi. Toǵan ainalasyna erekshe jemis aǵashtaryn egip, abattandyrýdy qolǵa alǵan.
