Memleket basshysynyń salıqaly saıasatynyń arqasynda Táýelsiz memleketimiz – Qazaqstan Respýblıkasynyń órkendep óse túsýine, elimizde din salasyndaǵy turaqtylyqtyń qamtamasyz etilýine, yntymaq pen birliktiń artýy baǵytynda aýdan kóleminde birshama nátıjeli jumystar atqarylýda.

Búgin oblys ákiminiń arnaıy tapsyrmasyna sáıkes, oblys aýmaǵynda uıymdastyrylyp jatqan «Dástúrli qundylyqtar kerýeni» taqyrybyndaǵy kóshpeli jıynnyń mańyzdy sharalary Tólebı aýdanynda ótti. Kóshpeli kerýenniń maqsaty – oblys turǵyndarynyń mádenı jáne rýhanı sezimderin qalyptastyrý jáne destrýktıvti dinı aǵym jaqtastaryn Qazaqstandyq qoǵam qundylyqtaryna beıimdeý bolyp tabylady.

Memleket pen din ara-qatynasyndaǵy zaıyrlyq ustanymy boıynsha halyqty aqparattandyrýdyń mańyzy zor. Búgingi jıyndy aýdan ákiminiń orynbasary Serjan Dúısebaev ashyp, júrgizip otyrdy.

Sondaı aq, jıynǵa Túrkistan oblysy din isteri basqarmasy, «Din máselelerin zertteý ortalyǵy» mekemesi dırektorynyń orynbasary Mádı Bespaev, oblystyq mádenıet jáne tilderdi damytý basqarmasy, halyq shyǵarmashylyǵy ortalyǵynyń bólim basshysy Sholpan Mamythanova, Tólebı aýdandyq ardagerler keńesiniń tóraǵasy Átirhan Shyńǵysbaev, aýdannyń bas ımamy Samat Anarbaev qatysyp, óz oı pikirlerin bildirdi. Jıyn erkin format túrinde ótti.

 

Tólebı aýdany ákimdiginiń baspasóz qyzmeti