Memleket basshysy Qasym-Jomart Toqaevtyń Japonıaǵa resmı sapary barysynda jalpy quny 3,7 mlrd dollardan asatyn komersıalyq kelisimderge qol qoıý kózdelip otyr. Osy maqsatta Prezıdent Tokıoda Japonıanyń jetekshi bıznes ókilderimen birqatar kezdesýler ótkizedi, dep habarlaıdy Dalanews.kz.

Rýslan Jeldibaıdyń málimetinshe, sapar aıasynda 40-tan astam qujatqa qol qoıý josparlanǵan. Kelisimder energetıka, jańartylatyn energıa kózderi, sıfrlandyrý, taý-ken ónerkásibi jáne kólik sekildi strategıalyq mańyzdy salalardy qamtıdy.

Qujattarǵa Qazaqstan tarapynan «Samuryq-Qazyna», KEGOC, «Qazatomónerkásip», «Taý-ken Samuryq», «Qazposhta», «Qazaqstan temir joly» kompanıalarynyń ókilderi qol qoıady. Al Japonıa atynan Marubeni, MUFG Bank, Mitsubishi Heavy Industries, Hitachi Energy, Toshiba, JOGMEC, Kansai Electric Power jáne RIKEN KOGYO kompanıalary qatysady.

Sondaı-aq Rýslan Jeldibaı Prezıdent sapary barysynda basqa da resmı kelissózder men iskerlik kezdesýler ótetinin atap ótti.