Búgin Memleket basshysy Qasym-Jomart Toqaev Astanada Dúniejúzilik taekvondo federatsiiasynyń (WT) prezidenti Chýngvon Choýdy qabyldady dep jazady Dalanews.kz.
Prezident bul kezdesýdiń Qazaqstan sport qaýymdastyǵy úshin eleýli oqiǵa ekenin atap ótti. Federatsiia basshysynyń arnaiy sapary elimizdegi taekvondo sportynyń damýyna tyń serpin beredi.
«Taekvondo jai ǵana olimpiadalyq sport emes, ol búkil álemdegi milliondaǵan adamdy bir ideiaǵa biriktirgen, úilesimdilik pen ózara syilastyq filosofiiasy. Al 2025 jyly Astanada ótetin G1 sanatyndaǵy Kazakhstan Open halyqaralyq týrniri elimizdegi sportshylardyń deńgeiin ósirip, tájiribe almasýǵa keń múmkindik ashady», – dedi Toqaev.
Federatsiia basshysy Chýngvon Choý óz kezeginde Memleket basshysyna ystyq yqylasy men jyly qabyldaýy úshin alǵys aityp, Qazaqstandaǵy taekvondonyń damý qarqynyna joǵary baǵa berdi.
Ol elimizde uiymdastyrylatyn halyqaralyq jarystardyń deńgeiin erekshe atap ótti.
Kezdesý barysynda Qasym-Jomart Toqaev Dúniejúzilik taekvondo federatsiiasynyń prezidentin álemdegi taekvondo sportynyń damýyna qosqan zor úlesi úshin «Dostyq» ordeniniń II dárejesimen marapattady.
Óz kezeginde Chýngvon Choý Qazaqstan Prezidentine qurmet kórsetip, toǵyzynshy dan dárejesindegi qara belbeý tabystady.
Kezdesý sońynda qyzyq jaǵdai boldy. Federatsiia basshysy taekvondonyń dástúri boiynsha Toqaevtan aǵash taqtaidy syndyrýdy ótindi. Prezident áýelde «Really?» («Shyn aitasyz ba?») dep tańǵaldy.
Sodan keiin Chýngvon Choýdyń ázildep turmaǵanyna kóz jetkizip, usynysty qabyl aldy. Memleket basshysy soqqy jasap, aǵash taqtaidy bir-aq urdy.
Osylaisha, toǵyzynshy dan iesi atanǵan Toqaev taqtai syndyryp, dástúrdi jalǵastyrdy.
