Tógilgen qanǵa lańkesterdiń ýaǵyzshylary kináli
Al endi prezidentten bastap, qarsylyq kórsetkenderdi atýdy buiyrdy. Atyp jatyr, búgin taǵy bes adamdy atty. Meniń oiymsha, ásire dinshilderdi paidalanyp otyrǵan, ózderinen basqa kúsh bar. Múmkin sol kúsh biliktiń quramynda bolýy ábden múmkin.
Birinshiden, olar qoǵam nazaryn jer máselesinen burý. Maqsaty oryndaldy. Derliktei nazarymyz burylyp ketti.
Ekinshiden, osy oraidy paidalanyp teris aǵymdardy toqtatý.
Úshinshiden, halyqqa qorqynysh syilaý. Halyqty óz oiyn aityp miting ótkizý halinen de qaldyrý. Endi kóp sandy adam beibit sherýdiń artyn osyndai túrli kúshter óz baǵyttaryna jumsap jiberer dep alańdaityn, qarsylyq sherýlerdi ótkizýden qorqatyn bolady. Jáne bilik te beibit sherýge shyqqandarǵa da, qit etse terrorist dep ataq bere salýy ábden múmkin. Ondaǵy qarsylasqandarǵa qarý qoldanýy da múmkin. Biliktegi belgisiz bir kúshter osy oiyn oryndaý úshin, óz adamdaryn ásire dinshilderge kirgizip, olardyń qoltyǵyna sý búrkip, búlik shyǵarýyna sebep boldy ma degen kúmán týady eken.
Sondyqtan, búlikke qatysqan ár qylmystyny tiri ustaýǵa tyrysyp, durystap tergep, artynda kimderdiń turǵanyn, kimderdiń aitaqtaǵanyn anyqtap shyǵý kerek.
Al ásire dinshilderge kelsek, olarmen kúreste saldardy ǵana nysanaǵa almai, sebepti basty nazarǵa alǵan jón. Naǵyz atý jazasyn alatyndar, búgingi esep boiynsha 15 myńdai qazaqty sol aǵymdardyń qurbanyna ainaldyrǵandar. Birinshi sol ásire dinshildik baǵytta jyldar boiy ýaǵyz júrgizgenderdiń jazalaryn berý kerek.
Keshegi atystaǵy qaza bolǵan on qansha adamnyń, búgingi beseýiniń qanyna solar kináli.
