اسىرە دىنشىلدەرمەن كۇرەس، ولارعا بيلىك جاعىنان قارسى سوعىس كۇندەردىڭ بىرىندە بولارى انىق ەدى. ءبىراق، سول كۇرەستىڭ، سول سوعىستىڭ ءدال ءقازىر بولىپ جاتقانى كۇمان تۋدىرادى ەكەن. اياق استىنان جينالا قالىپ، سول كەزدە بارىپ قارۋ-جاراق دۇكەنىن توناپ، سوسىن بارىپ بۇلىك شىعارۋى شىنىندا كۇمانعا تولى. ولار بۇلىك شىعاراتىن بولسا، ءوز دايىندىقتارى بولماي ما؟ بۇلىكتىڭ الدىندا عانا قارۋ ىزدەي مە؟

ال ەندى پرەزيدەنتتەن باستاپ، قارسىلىق كورسەتكەندەردى اتۋدى بۇيىردى. اتىپ جاتىر، بۇگىن تاعى بەس ادامدى اتتى. مەنىڭ ويىمشا، اسىرە دىنشىلدەردى پايدالانىپ وتىرعان، وزدەرىنەن باسقا كۇش بار. مۇمكىن سول كۇش بيلىكتىڭ قۇرامىندا بولۋى ابدەن مۇمكىن.

بىرىنشىدەن، ولار قوعام نازارىن جەر ماسەلەسىنەن بۇرۋ. ماقساتى ورىندالدى. دەرلىكتەي نازارىمىز بۇرىلىپ كەتتى.

ەكىنشىدەن، وسى ورايدى پايدالانىپ تەرىس اعىمداردى توقتاتۋ.

ۇشىنشىدەن، حالىققا قورقىنىش سىيلاۋ. حالىقتى ءوز ويىن ايتىپ ميتينگ وتكىزۋ حالىنەن دە قالدىرۋ. ەندى كوپ ساندى ادام بەيبىت شەرۋدىڭ ارتىن وسىنداي ءتۇرلى كۇشتەر ءوز باعىتتارىنا جۇمساپ جىبەرەر دەپ الاڭدايتىن، قارسىلىق شەرۋلەردى وتكىزۋدەن قورقاتىن بولادى. جانە بيلىك تە بەيبىت شەرۋگە شىققاندارعا دا، قيت ەتسە تەرروريست دەپ اتاق بەرە سالۋى ابدەن مۇمكىن. ونداعى قارسىلاسقاندارعا قارۋ قولدانۋى دا مۇمكىن. بيلىكتەگى بەلگىسىز ءبىر كۇشتەر وسى ويىن ورىنداۋ ءۇشىن، ءوز ادامدارىن اسىرە دىنشىلدەرگە كىرگىزىپ، ولاردىڭ قولتىعىنا سۋ بۇركىپ، بۇلىك شىعارۋىنا سەبەپ بولدى ما دەگەن كۇمان تۋادى ەكەن.

سوندىقتان، بۇلىككە قاتىسقان ءار قىلمىستىنى ءتىرى ۇستاۋعا تىرىسىپ، دۇرىستاپ تەرگەپ، ارتىندا كىمدەردىڭ تۇرعانىن، كىمدەردىڭ ايتاقتاعانىن انىقتاپ شىعۋ كەرەك.

ال اسىرە دىنشىلدەرگە كەلسەك، ولارمەن كۇرەستە سالداردى عانا نىساناعا الماي، سەبەپتى باستى نازارعا العان ءجون. ناعىز اتۋ جازاسىن الاتىندار، بۇگىنگى ەسەپ بويىنشا 15 مىڭداي قازاقتى سول اعىمداردىڭ قۇربانىنا اينالدىرعاندار. ءبىرىنشى سول اسىرە دىنشىلدىك باعىتتا جىلدار بويى ۋاعىز جۇرگىزگەندەردىڭ جازالارىن بەرۋ كەرەك.

كەشەگى اتىستاعى قازا بولعان ون قانشا ادامنىڭ، بۇگىنگى بەسەۋىنىڭ قانىنا سولار كىنالى.