Premer-ministr Oljas Bektenov májilis depýtattarynyń suraǵyna bergen jaýabynda 2029-2030 jyldarǵa deiin TKSh júiesin jańǵyrtý boiynsha jańa ulttyq joba aiasynda shamamen 10 trln teńge kóleminde investitsiia tartylatynyn málimdedi, dep habarlaidy Dalanews.kz.
Májilistiń jalpy otyrysynda depýtat Ashat Rahymjanov premer-ministrden prezidenttiń 2029 jylǵa qarai Qazaqstan ekonomikasyn 450 mlrd AQSh dollaryna deiin arttyrý jónindegi tapsyrmasynyń oryndalý barysyn surady.
“Biylǵy 9 aidyń qorytyndysy boiynsha JIÓ ósimi 4%-dy qurady. Bul ósim munai óndirý kóleminiń tómendeýine qaramastan, basqa salalardyń esebinen qamtamasyz etildi. Aýyl sharýashylyǵy salasy 11,4%-ǵa ósti, al kólik pen saýda 6%-dan astam kórsetkish kórsetti. Qurylys salasy 10%-dan asa ósti”, - dedi Bektenov.
Premer-ministr elimizdegi iri indýstriialyq jáne infraqurylymdyq jobalardy júzege asyrý úshin ekonomikaǵa aitarlyqtai investitsiia tartý qajet ekenin atap ótti. Prezidenttiń tapsyrmasy aiasynda ázirlenip jatqan TKSh júiesin jańǵyrtý jobasynda 2029-2030 jyldarǵa deiin shamamen 10 trln teńge investitsiia qarastyrylǵan.
