پرەمەر-مينيستر ولجاس بەكتەنوۆ ءماجىلىس دەپۋتاتتارىنىڭ سۇراعىنا بەرگەن جاۋابىندا 2029-2030 جىلدارعا دەيىن تكش جۇيەسىن جاڭعىرتۋ بويىنشا جاڭا ۇلتتىق جوبا اياسىندا شامامەن 10 ترلن تەڭگە كولەمىندە ينۆەستيسيا تارتىلاتىنىن مالىمدەدى، دەپ حابارلايدى Dalanews.kz.
ءماجىلىستىڭ جالپى وتىرىسىندا دەپۋتات اسحات راحىمجانوۆ پرەمەر-مينيستردەن پرەزيدەنتتىڭ 2029 جىلعا قاراي قازاقستان ەكونوميكاسىن 450 ملرد اقش دوللارىنا دەيىن ارتتىرۋ جونىندەگى تاپسىرماسىنىڭ ورىندالۋ بارىسىن سۇرادى.
“بيىلعى 9 ايدىڭ قورىتىندىسى بويىنشا ءجىو ءوسىمى 4%-دى قۇرادى. بۇل ءوسىم مۇناي ءوندىرۋ كولەمىنىڭ تومەندەۋىنە قاراماستان، باسقا سالالاردىڭ ەسەبىنەن قامتاماسىز ەتىلدى. اۋىل شارۋاشىلىعى سالاسى 11،4%-عا ءوستى، ال كولىك پەن ساۋدا 6%-دان استام كورسەتكىش كورسەتتى. قۇرىلىس سالاسى 10%-دان اسا ءوستى”، - دەدى بەكتەنوۆ.
پرەمەر-مينيستر ەلىمىزدەگى ءىرى يندۋستريالىق جانە ينفراقۇرىلىمدىق جوبالاردى جۇزەگە اسىرۋ ءۇشىن ەكونوميكاعا ايتارلىقتاي ينۆەستيسيا تارتۋ قاجەت ەكەنىن اتاپ ءوتتى. پرەزيدەنتتىڭ تاپسىرماسى اياسىندا ازىرلەنىپ جاتقان تكش جۇيەسىن جاڭعىرتۋ جوباسىندا 2029-2030 جىلدارعا دەيىن شامامەن 10 ترلن تەڭگە ينۆەستيسيا قاراستىرىلعان.
