Tirannozavr Rekstiń eń iri ári eń jaqsy saqtalǵan qańqalarynyń biri sanalatyn qazba qaldyǵy Sotheby's aýktsionynda rekordtyq 50,1 million dollarǵa satyldy, dep habarlaidy dalanews.kz.
Sotheby's aýktsion úiiniń málimetinshe, «Gýs» (Gus) dep atalǵan bul úlgi aýktsionda satylǵan eń qymbat dinozavr qazbasy atandy. Osylaisha ol 2024 jyly stegozavr qańqasy úshin tólengen shamamen 45 million dollarlyq rekordty jańartty.
Saýda barysynda telefon arqyly qatysqan jáne aty-jónin jariialamaýdy qalaǵan satyp alýshy on minýtqa sozylǵan tartysty básekede taǵy alty úmitkerdi basyp ozǵan.
Aýktsion bastalǵanǵa deiin sarapshylar bul lottyń qunyn 20–30 million dollar aralyǵynda baǵalaǵan edi. Alaida qyzyǵýshylyqtyń joǵary bolýyna bailanysty qańqa kútilgennen áldeqaida qymbat baǵaǵa satyldy.
