Ál-Farabi atyndaǵy QazUÝ-ǵa Túrkiianyń eks-premer-ministri, Túrkiianyń memleket jáne saiasi qairatkeri Bináli Iyldyrym issaparmen kelip, ýniversitet basshylyǵymen kezdesip, stýdentterge kóshbasshylyq dáris oqydy, - dep habarlaidy Dalanews.kz.
Jiynda Ál-Farabi atyndaǵy QazUÝ-dyń Basqarma Tóraǵasy – Rektor Janseiit Túimebaev óz sózinde Túrkiianyń eks-premer-ministri, Túrkiia Respýblikasynyń memlekettik «Qurmet» medaliniń iegeri, Túrki memleketteri uiymy Aqsaqaldar keńesiniń múshesi, saiasatqa, ekonomikaǵa jáne bilim berýdi damytýǵa eleýli yqpal etken kórnekti qairatkerdiń eleýli eńbekterin atap ótti.
QazUÝ búginde Túrkiianyń 46 joǵary oqý orny jáne uiymdarymen, sonyń ishinde Ystambul ýniversiteti, Aqdeniz bilim ordasy, Ankara áleýmettik ǵylymdar ýniversiteti, Ystambul tehnikalyq ýniversiteti siiaqty bedeldi oqý oryndarymen tyǵyz qarym-qatynas jasai otyryp, halyqaralyq yntymaqtastyqty belsendi damytýda.
«Biz Qazaqstan Prezidentiniń 2022 jylǵy 11 mamyrdaǵy resmi sapary aiasynda QazUÝ-dyń Ystambuldaǵy filialynyń ashylýyn erekshe maqtan tutamyz. Bul joǵary bilim berý baǵdarlamalaryn belsendi damytýǵa, ǵylym men bilimniń halyqaralyq bilim berý keńistigine integratsiialanýyna yqpal etedi. Baýyrlas elder arasyndaǵy qarym-qatynastardy jandandyrýǵa jáne bilim berý men ǵylymi bailanystardy nyǵaitýǵa qosqan úlesterińiz biz úshin asa mańyzdy. Sizdiń bilimińiz ben tájiribeńiz stýdentter men ǵalymdardy shabyttandyrady, sonymen qatar óz halqy men qoǵamǵa qyzmet etýdiń úlgisi bolyp tabylady», – dedi Janseiit Qanseiituly.
Bináli Iyldyrym kóshbasshylyq dáriste Qazaqstan men Túrkiianyń ekonomika, saýda, bilim berý, ónerkásip salalaryndaǵy tyǵyz dostyq qarym-qatynastardyń qalyptasqany jaily aitty.
«Biz túrki memleketteri uiymdary aiasynda saýda-ekonomikalyq bailanystardy damytýdyń zor áleýetin kórip otyrmyz. Mysal retinde túrki memleketteriniń syrtqy saýda qatynastaryn keltirýge bolady. Bul ekonomikalyq yntymaqtastyqty damytýdy qanshalyqty yntalandyratynyn kórsetedi. Biraq ekonomika – bul kórinistiń bir bóligi ǵana. Bailanystardy shynaiy nyǵaitý úshin biz bir-birimizdi jaqsy tanýymyz kerek. Bul degenimiz – biz ortaq qundylyqtarymyzdy, eń aldymen tildi, ǵylymdy jáne bilim berýdi damytý», – dep atap ótti Bináli Iyldyrym.
Dáris sońy ózara pikir almasýǵa ulasyp, qatysýshylar men stýdentter ózderin qyzyqtyrǵan suraqtarǵa jaýap aldy.
