Til – tatýlyq tiregi
Is-sharany ashqan ýniversitettiń Áleýmettik damý jónindegi prorektory Shyńǵys Nurlanuly Nurlanov tilder merekesiniń mańyzdylyǵyna toqtaldy. Sondai-aq ol óz sózinde elimizde ómir súrip jatqan ár ulttyń ókilderi óz mádenieti men ádebietin damytýyna tolyq jaǵdai jasalǵanyn, al ana tilimiz eldik pen táýelsizdiktiń, tatýlyq pen birliktiń aiǵaǵy ekenin sóz etti. Al Tárbie, áleýmettik jumystar jáne jastar saiasaty jónindegi departament direktory Bekpenbetova Qazyna Asanqyzy stýdentterdi tilder merekesimen quttyqtap, uiymdastyrýshylar jumysyna tabys tiledi.
“Til- ulttyń ainasy” degen ustanymdy ustanǵan stýdent-jastarymyz týǵan tilimizge degen qurmeti men súiispenshiligin qazaqtyń qara dombyrasynda kúmbirlegen kúi tartyp, án shyrqap jáne aqyn-jazýshylarymyzdyń otty jyrlaryn oqi otyryp jetkizdi. Sonymen qatar ult ustazy Ahmet Baitursynovtyń qazaq tiliniń damýyna qosqan úlesi men shyǵarmashylyǵy týrasynda baiandama jasalyp, “Birlik” Assambleiasy uiymynyń stýdentteri ózderiniń júrek jardy quttyqtaýlaryn uiǵyr, tájik, orys tilderinde jetkizdi. Is-shara barysynda sóz alǵan Akademik S.Qirabaev atyndaǵy qazaq tili men ádebieti kafedrasynyń meńgerýshisi, filologiia ǵylymdarynyń doktory, professor Iliasova Naǵima Ábzelbekqyzy aldaǵy ýaqytta kafedra tarapynan osyndai igi bastamalar kóptep uiymdastyrylatynyn aita kele ónerli stýdentterge shyǵarmashylyq tabystar tiledi.
Kesh sońynda «Rýhani jańǵyrý» ortalyǵynyń basshysy Jaqaýov Maqsat Dóńesuly búgingi basqosý jastarymyzdyń dostyǵy men tatýlyǵyn arttyratyny sózsiz ekenin baiandai kele, mazmuny tereń sharany uiymdastyrǵan Assambleia kafedrasynyń meńgerýshisi Shaharman Gúljihan Pishenbaiqyzy men Akademik S.Qirabaev atyndaǵy qazaq tili men ádebieti kafedrasynyń meńgerýshisi Iliasova Naǵima Ábzelbekqyzyna jáne ónerli stýdent qaýymǵa alǵys bildirdi.
Shoqan Quttybaev, Abai atyndaǵy QazUPÝ, Akademik S.Qirabaev atyndaǵy qazaq tili men ádebieti kafedrasynyń aǵa oqytýshysy
