Konstitýtsiianyń 9-babyna qatysty daýly normany jumsartatyn ári uǵymdyq shekarany naqtylaityn jańa redaktsiia Konstitýtsiialyq komissiianyń qaraýyna engizildi, dep habarlaidy Dalanews.kz.
Qoǵamda uzaq ýaqyttan beri pikirtalas týdyryp kele jatqan til máselesine bailanysty bastama kótergen azamattar daýly formýlirovkany alyp tastamai, ony jańasha túsindirý jolyn usyndy. Ásirese, orys tiliniń «resmi» jáne «teń» mártebesine qatysty tirkester qoǵamda túrli túsinbeýshilik pen saiasi alypsatarlyqqa sebep bolǵany aitylyp júr.
Usynys avtorlarynyń aitýynsha, qazirgi jaǵdaida Konstitýtsiianyń 9-babynyń 2-tarmaǵyn tolyq alyp tastaý múmkin emes. Alaida tarmaqtaǵy formýlirovkany modernizatsiialaý arqyly birqatar táýekeldiń aldyn alýǵa bolady.
Osyǵan bailanysty «resmi túrde» jáne «memlekettik tilmen teń» degen uǵymdardyń ornyna «qajet bolǵan jaǵdaida» jáne «qosymsha» degen naqty ári quqyqtyq turǵydan shekteýli formýlirovkalar engizý usynylǵan. Bul tásil, bir jaǵynan, biliktiń saiasi kóregendigin kórsetse, ekinshi jaǵynan azamattyq usynystarǵa qulaq asýdyń belgisi retinde baǵalanyp otyr.
Usynylǵan jańa redaktsiiaǵa sáikes Konstitýtsiianyń 9-baby mynadai túrde jazylýy múmkin:
Qazaqstan Respýblikasynyń memlekettik tili – qazaq tili.
Memlekettik uiymdarda jáne jergilikti ózin-ózi basqarý organdarynda qajet bolǵan jaǵdaida qazaq tiline qosymsha orys tili qoldanylady.
Memleket birtutas Qazaqstan halqynyń tilderin úirený jáne damytý úshin jaǵdai jasaýǵa qoldaý kórsetedi.
Bastamashylardyń pikirinshe, bul ózgeris qazaq tiliniń memlekettik mártebesin naqtylap qana qoimai, ony ózge tildermen teńestirip kelgen qate túsinikterge de shek qoiady. Sonymen qatar, til máselesin saiasi qaqtyǵys quralyna ainaldyrmai, quqyqtyq óriske kóshirýge múmkindik beredi.
Qazir usynys Konstitýtsiialyq komissiia músheleriniń qaraýynda. Sheshim aldaǵy ýaqytta qabyldanýy tiis. Eger bastama qoldaý tapsa, bul til máselesindegi eń ótkir uǵymdyq qaishylyqtardyń birine núkte qoiýy múmkin.
